കെ.എം.സി.സി കുവൈത്ത് സംഘടിപ്പിച്ച സി.ബി. അബ്ദുല്ല ഹാജി അനുസ്മരണം
കുവൈത്ത് സിറ്റി: ചെങ്കള ഗ്രാമപഞ്ചായത്ത് മുൻ പ്രസിഡൻറും മുസ്ലിം ലീഗ് കാസർകോട് നിയോജകമണ്ഡലം വൈസ് പ്രസിഡൻറുമായിരുന്ന സി.ബി. അബ്ദുല്ല ഹാജിയുടെ നിര്യാണത്തിൽ കുവൈത്ത് കെ.എം.സി.സി അനുശോചനവും പ്രാർഥന സദസ്സും നടത്തി. ഹകീം ഹസനി ഖുർആൻ പാരായണത്തോടെ ആരംഭിച്ച യോഗം കെ.എം.സി.സി ചെയർമാൻ നാസർ മഷ്ഹൂർ തങ്ങൾ ഉദ്‌ഘാടനം നിർവഹിച്ചു. മണ്ഡലം ആക്ടിങ് പ്രസിഡൻറ് ഉസ്മാൻ അബ്ദുല്ല അധ്യക്ഷത വഹിച്ചു.
സംസ്ഥാന പ്രസിഡൻറ് ശറഫുദ്ദീൻ കണ്ണേത്ത്, ജനറൽ സെക്രട്ടറി എം.കെ. അബ്ദുൽ റസാഖ്, ട്രഷറർ എം.ആർ. നാസർ, ജില്ലാ ആക്ടിങ് പ്രസിഡൻറ് മുഹമ്മദ് ആറങ്ങാടി, ജനറൽ സെക്രട്ടറി അബ്ദുല്ല കടവത്ത്, സംസ്ഥാന ഭാരവാഹികളായ ശഹീദ് പാട്ടില്ലത്ത്, റസാഖ് അയ്യൂർ, ഡോ. ഗോപകുമാർ, ശിഹാബ് തങ്ങൾ ഇസ്ലാമിക് അക്കാദമി പ്രസിഡൻറ് മുനീർ കുണിയ, ഇസ്മായിൽ ബേവിഞ്ച തുടങ്ങിയവർ സംസാരിച്ചു. ഇക്ബാൽ മാവിലാടം അനുശോചന പ്രസംഗം നടത്തി. മണ്ഡലം ജനറൽ സെക്രട്ടറി അസീസ് തളങ്കര സ്വാഗതവും ട്രഷറർ അഹ്‌മദ്‌ ബേവിഞ്ച നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.