കുവൈത്ത് സിറ്റി: വിമാന സർവിസുകളിൽ സമയനിഷ്ഠ പാലിക്കുന്നതിൽ കുവൈത്ത് എയർവേസ ിന് എട്ടാം റാങ്ക്. 175 അന്താരാഷ്ട്ര എയർലൈൻസുകളിൽ ഏറ്റവും സമയനിഷ്ഠ പാലിക്കുന്ന എ ട്ടാമത് സ്ഥാനമാണ് കുവൈത്ത് എയർവേസ് നേടിയത്. സിവിൽ വ്യോമയാന മേഖലയിലെ കമ്പനികളുടെ കാര്യക്ഷമത പരിശോധിക്കുന്ന ബ്രിട്ടീഷ് ഏവിയേഷൻ കമ്പനി പുറത്തുവിട്ട പഠന റിപ്പോർട്ടിലാണ് ഇക്കാര്യമുള്ളത്. അന്താരാഷ്ട്ര തലത്തിലെ ശ്രദ്ധേയവും വിശ്വസനീയവുമായ പഠന ഏജൻസിയായ ബ്രിട്ടീഷ് ഏവിയേഷൻ കമ്പനിയുടെ വിലയിരുത്തലിൽ കുവൈത്ത് എയർവേസിനെ സംബന്ധിച്ച് മതിപ്പ് രേഖപ്പെടുത്തിയത് സന്തോഷകരമാണെന്ന് കുവൈത്ത് എയർവേയ്സ് ഡയറക്ടർ ബോർഡ് ചെയർമാൻ യൂസുഫ് അൽ ജാസിം പറഞ്ഞു.
ജൂലൈ മാസത്തിൽ കുവൈത്ത് എയർവേസിെൻറ സമയകൃത്യത 88 ശതമാനമാണ്. സമയനിഷ്ഠയിൽ അപാകതയുള്ള ലോകത്തിലെ 10 വിമാന സർവിസുകളില് കുവൈത്ത് എയര്വേസിനെ ഉള്പ്പെടുത്തിയ ബ്ലുംബര്ഗിെൻറ റിപ്പോർട്ടിന് കടകവിരുദ്ധമാണ് ബ്രിട്ടീഷ് ഏവിയേഷൻ കമ്പനിയുടെ റിപ്പോർട്ട്.
ബ്ലുംബർഗ് റിപ്പോർട്ട് അപ്പോൾതന്നെ കുവൈത്ത് എയർവേസ് അധികൃതർ നിഷേധിച്ചിരുന്നു. ഒരുവർഷംകൊണ്ട് 24 ശതമാനം പുരോഗതി കൈവരിച്ചതായാണ് കുവൈത്ത് എയർവേസിെൻറ അവകാശവാദം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.