കുവൈത്ത് സിറ്റി: കുവൈത്തിൽ 103 ഇന്ത്യക്കാരടക്കം 353 പേർക്ക് കൂടി കോവിഡ് സ്ഥിരീകരിച്ചു. ഇന്ത്യക്കാരനടക്കം നാലുപേർ മരിക്കുകയും ചെയ്തു. ഇതോടെ മരണം 30 ആയി. ഒരു ദിവസം 300ന് മേൽ ആളുകൾക്ക് കോവിഡ് സ്ഥിരീകരിക്കുന്നതും നാലുപേർ മരിക്കുന്നതും ആദ്യമായാണ്.
ഇതുവരെ 4377 പേർക്കാണ് വൈറസ് സ്ഥിരീകരിച്ചത്. വെള്ളിയാഴ്ചത്തെ 63 പേരടക്കം 1602 പേർ രോഗമുക്തി നേടി. ബാക്കി 2745 പേരാണ് ചികിത്സയിലുള്ളത്. 70 പേർ തീവ്രപരിചരണ വിഭാഗത്തിലുള്ളതിൽ 36 പേരുടെ നില ഗുരുതരമാണ്. പുതിയ കോവിഡ് ബാധിതരിൽ ഒമ്പതുപേർ വിദേശത്തുനിന്ന് വന്നവരും 337 പേർ നേരത്തെ സ്ഥിരീകരിച്ചവരുമായി സമ്പർക്കം പുലർത്തിയവരുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.