കുവൈത്ത് സിറ്റി: ആലപ്പുഴ ജില്ലയിലെ കാർത്തികപ്പള്ളി നിവാസികളുടെ കുവൈത്തിലെ കൂട്ടായ്മയായ കാർത്തികപ്പള്ളി എക്സ്പാറ്റ് ഇൻ കുവൈത്ത് (കെയ്ക്ക്) വേൾഡ് മലയാളി കൗൺസിൽ മുൻ ഗ്ലോബൽ ചെയർമാനും ബഹ്റൈൻ ഡെയ്ലി ട്രിബ്യൂൺ ചീഫ് എഡിറ്ററുമായ സോമൻ ബേബി ഉദ്ഘാടനം ചെയ്തു. പ്രവാസി ഭാരത് പുരസ്കാര ജേതാവും കാർത്തികപ്പള്ളി നിവാസിയുമാണ് ഇദ്ദേഹം. അബ്ബാസിയ ശ്ലോമോ ഹാളിൽ നടന്ന ചടങ്ങിൽ പ്രസിഡൻറ് മാമൻ ഗീവർഗീസ് അധ്യക്ഷത വഹിച്ചു. സെക്രട്ടറി എബി സാമുവേൽ സ്വാഗതവും ട്രഷറർ ജേക്കബ് നന്ദിയും പറഞ്ഞു. വൈസ് പ്രസിഡൻറ് ഫിന്നി ചെറിയാൻ, കായംകുളം പ്രവാസി സംഘടനാ വൈസ് പ്രസിഡൻറ് ടോം ജേക്കബ്, അലക്സ് ബേബി എന്നിവർ സംസാരിച്ചു.
രക്ഷാധികാരി ജേക്കബ് വർഗീസിനെ ജോയൻറ് സെക്രട്ടറി ജോൺ വർഗീസ് പൊന്നാട അണിയിച്ച് ആദരിച്ചു. തുടർന്ന് കലാഭവൻ വിബിനും സംഘവും അവതരിപ്പിച്ച മിമിക്സും ഗാനമേളയുമുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.