കുവൈത്ത് സിറ്റി: പൊലീസ് നിര്ദേശിച്ചിട്ടും നിര്ത്താതെ ഓടിച്ചുപോയ സ്പോര്ട്സ് യൂട്ടിലിറ്റി വാഹനത്തെ (എസ്.യു.വി.) പിന്തുടരുന്നതിനിടെ പൊലീസ് പട്രോളിങ് കാര് അപകടത്തില്പെട്ട് രണ്ടു പൊലീസുകാര്ക്ക് പരിക്ക്. ദോഹയിലെ ശൈഖ് സായിദ് റിസര്വിലെ സുലൈബിക്കാത്തിലാണ് അപകടമുണ്ടായത്.
മരുഭൂമിയിലെ വെള്ളക്കുഴിയിലേക്ക് വീണാണ് അപകടമുണ്ടായത്. സംഭവത്തില് സാരമായി പരിക്കേറ്റ പൊലീസുകാരെ സബാഹ് ആശുപത്രിയില് പ്രവേശിപ്പിച്ചു. സുലൈബിക്കാത്തിലെ പോപുലര് കഫേക്ക് സമീപമാണ് സംഭവം. പൊലീസ് കൈകാണിച്ചിട്ടും വാഹനം നിര്ത്താതെ മണല് പ്രദേശത്തേക്ക് ഓടിച്ചുകയറ്റുകയായിരുന്നു. പട്രോളിങ് കാര് പിന്തുടര്ന്നെങ്കിലും മരുഭൂമിയിലെ കുഴിയില് വീഴുകയായിരുന്നു. എസ്.യു.വി വാഹനം രക്ഷപ്പെടുകയും ചെയ്തു.
സംഭവസ്ഥലത്തുണ്ടായിരുന്നവരാണ് പൊലീസുകാരെ രക്ഷപ്പെടുത്തിയത്. പാരാമെഡിക്കല്സ് സ്ഥലത്തത്തെിയാണ് ഇവരെ ആശുപത്രിയില് പ്രവേശിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.