മനാമ: ഇലക്ട്രിക് വയറുകളും മറ്റ് ഉപകരണങ്ങളും മോഷ്ടിച്ചതിന് മൂന്നുപേരെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. ഏകദേശം 12,000 ദീനാർ വിലയുള്ള വസ്തുക്കളാണ് മോഷ്ടിച്ചത്. മോഷ്ടിച്ച ചില വസ്തുക്കൾ പ്രതികൾ വിറ്റതായും മന്ത്രാലയം അറിയിച്ചു. ബാക്കിയുള്ളവ ഷിപ്പിങ് കണ്ടെയ്നറിൽ രാജ്യത്തിനു പുറത്തേക്കു കടത്താൻ ശ്രമിക്കുകയായിരുന്നു.
സതേൺ ഗവർണറേറ്റ് പൊലീസ് ഡയറക്ടറേറ്റ് അന്വേഷണം ആരംഭിക്കുകയും തെളിവുകൾ ശേഖരിക്കുകയും ചെയ്തതിന്റെ അടിസ്ഥാനത്തിലാണ് പ്രതികളെ തിരിച്ചറിഞ്ഞതും അറസ്റ്റ് ചെയ്തതും. വിൽക്കാത്ത മോഷണ വസ്തുക്കൾ, കസ്റ്റംസ് ഉദ്യോഗസ്ഥരുടെ സഹകരണത്തോടെ പിടിച്ചെടുത്തു.
കേസ് പബ്ലിക്ക് പ്രോസിക്യൂഷന് റഫർ ചെയ്യുന്നതിനുള്ള നടപടികൾ സ്വീകരിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.