അ​പ​ക​ട​ത്തി​ൽ പ​രി​ക്കേ​റ്റ മല​യാ​ളി മ​രി​ച്ചു

മ​നാ​മ: റോ​ഡ​പ​ക​ട​ത്തി​ൽ പ​രി​ക്കേ​റ്റ്​ ഒ​രു​വ​ർ​ഷ​ത്തി​ലേ​റെ​യാ​യി സ​ൽ​മാ​നി​യ ഹോ​സ്​​പി​റ്റ​ലി​ൽ ചി​കി​ത്സ​യി​ലി​രു​ന്ന മ​ല​യാ​ളി മ​രി​ച്ചു. പ​ത്ത​നം​തി​ട്ട അ​യി​രൂ​ർ തൊ​ടി​യൂ​ർ സ്വ​ദേ​ശി ഷി​ജു വ​ർ​ഗീ​സ്​ (36) ആ​ണ്​ മ​രി​ച്ച​ത്. 2020 ജൂ​ലൈ​യി​ൽ ദി​റാ​സി​ൽ റോ​ഡ് മു​റി​ച്ചു​ക​ട​ക്കു​മ്പോ​ഴാ​യി​രു​ന്നു​ അ​പ​ക​ടം. അ​തി ഗു​രു​ത​രാ​വ​സ്ഥ​യി​ലാ​യി​രു​ന്ന അ​ദ്ദേ​ഹ​ത്തെ സ​ൽ​മാ​നി​യ ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യും ചി​കി​ത്സ ന​ട​ത്തി വ​രു​ക​യു​മാ​യി​രു​ന്നു. ബോ​ധം തി​രി​ച്ചു​കി​ട്ടി​യെ​ങ്കി​ലും സം​സാ​ര​ശേ​ഷി​യും ച​ല​ന​ശേ​ഷി​യും വീ​ണ്ടെ​ടു​ക്കാ​നാ​യി​ല്ല. നാ​ട്ടി​ലെ​ത്തി​ച്ച്​ വി​ദ​ഗ്​​ധ ചി​കി​ത്സ ന​ൽ​കാ​നു​ള്ള സാ​മൂ​ഹി​ക പ്ര​വ​ർ​ത്ത​ക​രു​ടെ ശ്ര​മം വീ​ട്ടു​കാ​രു​ടെ നി​സ്സ​ഹ​ക​ര​ണം മൂ​ലം വി​ജ​യി​ച്ചി​ല്ല.

നോ​ർ​ക്ക റൂ​ട്ട്​​സ്​ മു​ഖേ​ന നാ​ട്ടി​ൽ സൗ​ജ​ന്യ ചി​കി​ത്സ​ക്കു​വേ​ണ്ടി പ്ര​വാ​സി ലീ​ഗ​ൽ സെ​ൽ ക​ൺ​ട്രി ഹെ​ഡ്​ സു​ധീ​ർ തി​രു​നി​ല​ത്ത്​ ശ്ര​മം ന​ട​ത്തി​യി​രു​ന്നു. സാ​മൂ​ഹി​ക പ്ര​വ​ർ​ത്ത​ക​രാ​യ ബി​നു കു​ന്ന​ന്താ​നം, അ​ഷ്​​ക​ർ പൂ​ഴി​ത്ത​ല തു​ട​ങ്ങി​യ​വ​രും ഇ​ദ്ദേ​ഹ​ത്തെ നാ​ട്ടി​ലെ​ത്തി​ക്കാ​ൻ ശ്ര​മി​ച്ചെ​ങ്കി​ലും ഫ​ലം ക​ണ്ടി​ല്ല. ചി​കി​ത്സ​ക്കും മ​റ്റു​മു​ള്ള സാ​മ്പ​ത്തി​ക സ​ഹാ​യ​ങ്ങ​ൾ സ​മാ​ഹ​രി​ച്ച്​ ന​ൽ​കാ​നും സാ​മൂ​ഹി​ക പ്ര​വ​ർ​ത്ത​ക​ർ സ​ന്ന​ദ്ധ​മാ​യി​രു​ന്നു.

എ​ന്നാ​ൽ, ബ​ഹ്​​റൈ​നി​ൽ ന​ല്ല ചി​കി​ത്സ ല​ഭി​ക്കു​ന്നു​ണ്ടെ​ന്നും ഇ​വി​ടെ​ത​ന്നെ തു​ട​ർ​ന്നാ​ൽ മ​തി​യെ​ന്നു​മാ​ണ്​ വീ​ട്ടു​കാ​ർ നി​ല​പാ​ടെ​ടു​ത്ത​ത്. ഷി​ബി​യാ​ണ്​ ഷി​ജു​വി​െൻറ ഭാ​ര്യ. ഒ​രു മ​ക​നു​ണ്ട്.