മനാമ: ഖുര്ആന് മത്സരത്തില് പങ്കെടുത്ത വിദ്യാര്ഥികളെ ആദരിച്ചു. അല് നൂര് ഇൻറര്നാഷണല് സ്കൂളില് നടന്ന പരിപാടിയില് നീതിന്യായ-ഇസ്ലാമിക കാര്യ-ഔഖാഫ് മന്ത്രാലയത്തിലെ ഇസ്ലാമിക കാര്യ അണ്ടര് സെക്രട്ടറി ഡോ. ഫരീദ് ബിന് യഅ്ഖൂബ് അല്മുഫ്താഹ് മുഖ്യാതിഥിയായിരുന്നു. ഖുര്ആന് പഠനത്തിന് അല്നൂര് സ്കൂള് നല്കുന്ന പ്രാധാന്യം ശ്രദ്ധേയമാണെന്ന് അദ്ദേഹം പറഞ്ഞു.
ഖുര്ആന് മുന്നോട്ടു വെക്കുന്ന സഹിഷ്ുതയുടെയും സ്നേഹത്തിെൻറയും ആശയങ്ങളും സന്തുലിത സമീപനവും വിദ്യാര്ഥികളില് പ്രചരിപ്പിക്കാൻ ഇത് നിമിത്തമാവും. എല്ലാ സ്കൂളുകളിലും ഖുര്ആനും അതിെൻറ ആശയങ്ങളും പഠിപ്പിക്കുന്നതിന് പ്രോത്സാഹനം നല്കുന്ന വിദ്യാഭ്യാസ മന്ത്രാലയത്തിനും മന്ത്രി ഡോ. മാജിദ് അലി അന്നുഐമിക്കും അദ്ദേഹം നന്ദി പ്രകാശിപ്പിച്ചു. വിദ്യാഭ്യാസ-വൈജ്ഞാനിക മേഖലകളില് മത്സരങ്ങള് സംഘടിപ്പിക്കുന്നതിന് സ്കൂളുകള് നല്കുന്ന പ്രാധാന്യവും അദ്ദേഹം എടുത്തു പറഞ്ഞു.
ഖുര്ആന് മന:പാഠ പാരായണ മത്സരത്തില് വിജയിച്ച 250 ഓളം വിദ്യാര്ഥികള്ക്ക് ഉപഹാരങ്ങള് സമ്മാനിച്ചു. മന്ത്രാലയത്തിലെ ഹോളി ഖുര്ആന് ഡയറക്ടറേറ്റ് മേധാവി ശൈഖ് അബ്ദുല്ല ഖഹ്താന് അല്ഉമരി, ഖുര്ആന് പ്രോഗ്രാം വിഭാഗം മേധാവി അഹ്മദ് സാലിഹ് ബൂഷല്ഫ്, അല്നൂര് സ്കൂള് ഡയറക്ടര് ബോര്ഡ് ചെയര്മാന് അലി കെ. ഹസന്, ഡയറക്ടര് അമീന് ഹലീവ, ഡോ. മുഹമ്മദ് മഷ്ഹൂദ് തുടങ്ങിയവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.