അൽബയുടെ ആദരം സി.ഇ.ഒ അലി അൽ ബകാലിയിൽനിന്ന് ഏറ്റുവാങ്ങുന്ന മുഹമ്മദ് മൻസൂർ
മനാമ: അലുമിനിയം ബഹ്റൈന്റെ (അൽബ) സേവന മികവിനുള്ള ആദരം എക്സെലോൻ ഇൻഡസ്ട്രിയൽ സൊല്യൂഷൻസ് മാനേജിങ് ഡയറക്ടറും സാറ ഗ്രൂപ് ചെയർമാനുമായ മുഹമ്മദ് മൻസൂർ ഏറ്റുവാങ്ങി. അൽബ സി.ഇ.ഒ അലി അൽ ബകാലിയാണ് എക്സെലോന്റെ പ്രൊഫഷണലിസവും സേവനങ്ങളിലെ മികവും മുൻനിർത്തി ആദരിച്ചത്.
വ്യവസായ-ലോജിസ്റ്റിക്സ് രംഗത്ത് അൽബയ്ക്ക് നൽകിവരുന്ന മികച്ച സേവനങ്ങളും പ്രതിബദ്ധതയും മാനിച്ചാണ് ഈ അംഗീകാരമെന്ന് കമ്പനി വ്യക്തമാക്കി. എക്സെലോൻ ഇൻഡസ്ട്രിയൽ സൊല്യൂഷൻസും അൽബയും തമ്മിലുള്ള ശക്തമായ സഹകരണത്തിന്റെയും പ്രവർത്തന മികവിന്റെയും ഉദാഹരണമാണിത്. അൽബ സി.ഇ.ഒയിൽ നിന്ന് ഈ അംഗീകാരം ലഭിച്ചതിൽ അത്യധികം സന്തോഷമുണ്ടെന്ന് മുഹമ്മദ് മൻസൂർ പറഞ്ഞു. എക്സെലോൻ ടീമിന്റെ കഠിനാധ്വാനത്തിന്റെയും ആത്മാർത്ഥതയുടെയും ഫലമായാണ് ഈ ആദരമെന്നും, ഉപഭോക്താക്കളുമായി ദൃഢമായ പങ്കാളിത്തം തുടരുമെന്നും അദ്ദേഹം കൂട്ടിച്ചേർത്തു.
മേഖലയിലെ പ്രമുഖ വ്യവസായ സ്ഥാപനങ്ങൾക്കായി ഉയർന്ന നിലവാരത്തിലുള്ള ലോജിസ്റ്റിക്സ്, വ്യാവസായിക പിന്തുണ സേവനങ്ങളാണ് എക്സെലോൻ ഇൻഡസ്ട്രിയൽ സൊല്യൂഷൻസ് നൽകിവരുന്നത്. ഈ അംഗീകാരം തങ്ങളുടെ സേവനങ്ങൾ കൂടുതൽ മെച്ചപ്പെടുത്തുന്നതിന് പ്രചോദനമാകുമെന്ന് കമ്പനി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.