മനാമ: വയറ്റുവേദനയായി ആശുപത്രിയിലെത്തിച്ച നാലാംക്ലാസുകാരിയായ ഇന്ത്യൻ വിദ്യാർഥിനി കുത്തിവെയ്പ്പിനെ തുടർന്ന് മരിച്ചു. സ്വകാര്യ ആശുപത്രിയിലായിരുന്നു സംഭവം. ഭവൻസ് സ്കൂളിലെ നാലാംക്ലാസുകാരിയായ തനുശ്രീ ശിവരാമനാണ് സ്വകാര്യ ആശുപത്രിയിൽ മരിച്ചത്. കുറച്ച് ദിവസംമുമ്പ് കുട്ടിക്ക് പനിപിടിച്ചിരുന്നു. പനി ഭേദപ്പെട്ടതിെന തുടർന്ന് ആരോഗ്യം തിരികെ ലഭിച്ച കുട്ടിക്ക് ശനിയാഴ്ചയോടെ കടുത്ത വയറുവേദന ഉണ്ടായി.
ഇതിനെ തുടർന്നാണ് ആശുപത്രിയിലേക്ക് കൊണ്ടുപോയത്. ഡോക്ടർ ആദ്യം ആൻറിബയോട്ടിക്സ് കുത്തിവെയ്പ്പ് കൊടുത്തു. തുടർന്ന് രണ്ടാമത് ആൻറിബയോട്ടിക്സ് കുത്തിവെയ്പ്പ്കൊടുത്തപ്പോൾ കുട്ടിയുടെ കാലുകൾ മരവിക്കുകയും ശരീരം കറുത്ത നിറമാകുകയുമായിരുന്നു. തുടർന്ന് കുട്ടി ഞായറാഴ്ച മരിച്ചു. സംഭവത്തിൽ ആരോഗ്യ മന്ത്രാലയം അധികൃതർ സ്ഥലത്തെത്തി അന്വേഷണം ആരംഭിച്ചു. തമിഴ് സമൂഹത്തിൽപ്പെട്ടതാണ് കുട്ടിയുടെ കുടുംബം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.