സയൻസ് വിഭാഗം ടോപ്പേഴ്സ്; ശ്രേയ സിന്ധു ഗോപകുമാർ (ഒന്നാം സ്ഥാനം), ഗായത്രി റാണി അരുൺ (രണ്ടാം സ്ഥാനം), വാണി ശർമ (മൂന്നാം സ്ഥാനം)
മനാമ: സി.ബി.എസ്.ഇ 12ാം ക്ലാസ് ബോർഡ് പരീക്ഷയിൽ നൂറുശതമാനം വിജയത്തോടെ ന്യൂ ഇന്ത്യൻ സ്കൂൾ. പരീക്ഷ എഴുതിയ 207 വിദ്യാർഥികളിൽ 199 പേർക്ക് ഫസ്റ്റ് ക്ലാസും അതിൽ 130 പേർക്ക് ഡിസ്റ്റിങ്ഷനും ലഭിച്ചു. സയൻസ് വിഭാഗത്തിൽ ശ്രേയ സിന്ധു ഗോപകുമാർ 95.2 ശതമാനം മാർക്കോടെ ഒന്നാം സ്ഥാനം നേടി. തൊട്ടുപിന്നാലെ, ഗായത്രി റാണി അരുൺ 95 ശതമാനം മാർക്കോടെ രണ്ടാം സ്ഥാനവും വാണി ശർമ 94.6 ശതമാനത്തോടെ മൂന്നാം സ്ഥാനവും നേടി.
കോമേഴ്സ് വിഭാഗം ടോപ്പേഴ്സ്; അസ്ന സുമൻ (ഒന്നാം സ്ഥാനം), ശ്രേയ കുൽക്കർണി (രണ്ടാം സ്ഥാനം), റീഹ ഫാത്തിമ (മൂന്നാം സ്ഥാനം)
കോമേഴ്സ് വിഭാഗത്തിൽ അസ്ന സുമൻ 97 ശതമാനം നേടി ഒന്നാം സ്ഥാനം സ്വന്തമാക്കിയപ്പോൾ ശ്രേയ കുൽക്കർണി 95.8 ശതമാനവും റീഹ ഫാത്തിമ 94.8 ശതമാനവും നേടി യഥാക്രമം രണ്ടും മൂന്നും സ്ഥാനങ്ങൾ സ്വന്തമാക്കി. സ്കൂൾ ചെയർമാൻ ഡോ. ജാൻ എം. ടി. തോട്ടുമാലിൽ, ഡയറക്ടർ ബോർഡ്, സ്കൂൾ മാനേജ്മെന്റ് അംഗങ്ങൾ എന്നിവർ എല്ലാ വിദ്യാർഥികൾക്കും അഭിനന്ദനങ്ങൾ അറിയിക്കുകയും അവരുടെ ഭാവി പരിശ്രമങ്ങളിൽ വിജയം ആശംസിക്കുകയും ചെയ്തു.മികച്ച വിജയത്തിൽ സ്കൂൾ പ്രിൻസിപ്പൽ കെ. ഗോപിനാഥ് മേനോൻ സന്തോഷവും സംതൃപ്തിയും രേഖപ്പെടുത്തി. അധ്യാപകരുടെയും രക്ഷിതാക്കളുടെയും സംയുക്ത പരിശ്രമത്തിനും പിന്തുണക്കും നന്ദി പറഞ്ഞു.
മനാമ: സി.ബി.എസ്.ഇ പത്ത്, പന്ത്രണ്ട് ക്ലാസുകളിലെ പരീക്ഷയിൽ ഉന്നത വിജയം നേടിയ മുഴുവൻ വിദ്യാർഥികളെയും അഭിനന്ദിക്കുന്നതായി ഇൻഡക്സ് ബഹ്റൈൻ അറിയിച്ചു. ഉയർന്ന വിജയം കരസ്ഥമാക്കാൻ പ്രേരിപ്പിച്ച രക്ഷിതാക്കളെയും സ്കൂൾ അധ്യാപകരെയും അഭിനന്ദിക്കുന്നതായും ഇൻഡക്സ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.