മനാമ: ബഹ്‌റൈന്‍ കര്‍ണാടക കൾചറല്‍ ഫൗണ്ടേഷന്‍ (കെ.സി. എഫ്) നബിദിനത്തോടനുബന്ധിച്ച് വിപുലമായ പരിപാടികള്‍ സംഘടിപ്പിക്കും.
‘സഹിഷ്ണുതയുടെ പ്രവാചകന്‍’എന്ന വിഷയത്തില്‍ നവംബര്‍ 24ന് പാകിസ്താൻ ക്ലബ്ബിലാണു പരിപാടി. രാത്രി എട്ടുമണിക്ക് നടക്കുന്ന ‘മെഹ്ഫിലേ മുസ്തഫ’ എന്ന പരിപാടിയില്‍ മലയാളികള്‍ ഉള്‍പ്പെടെ നിരവധി പേർ സംബന്ധിക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.രാജ കുടുംബാംഗം സല്‍മാന്‍ ബിന്‍ ഖാലിദ് ബിന്‍ സല്‍മാന്‍ ആല്‍ ഖലീഫ സംബന്ധിക്കും. അസ്സയ്യിദ് കൂറത്ത് തങ്ങള്‍ മുഖ്യാതിഥിയായിരിക്കും. റഫീഖ് സഅദി ദേലമ്പാടി മുഖ്യപ്രഭാഷണം നടത്തും. ഷിഹാന്‍ മാംഗ്ലൂര്‍ അവതരിപ്പിക്കുന്ന പരിപാടിയും ഒരുക്കിയിട്ടുണ്ട്. സ്ത്രീകൾക്ക് പ്രത്യേക സൗകര്യം ഒരുക്കും. വിദ്യാഭ്യാസ മേഖലയില്‍ ഉള്‍പ്പെടെ നിരവധി സേവന പ്രവര്‍ത്തനങ്ങൾ നടത്തുന്ന കെ.സി.എഫിന് ബഹ്‌റൈനില്‍ 600 ഓളം അംഗങ്ങളുണ്ടെന്ന് ഭാരവാഹികൾ പറഞ്ഞു.വാര്‍ത്താസമ്മേളനത്തില്‍ വിറ്റല്‍ ജമാലുദ്ദീന്‍, എസ്.എം. ഉമ്മര്‍ ഫറൂഖ്, ഹാരിസ് സപ്യ, ഇഖ്ബാല്‍ മഞ്ചനാടി, തൗഫീഖ് ബല്‍ത്തങ്ങാടി, കരീം ഉച്ചില്‍, മുഹമ്മദ് അലി വെനൂര്‍, അലി മുസ്‌ലിയാര്‍ എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.