മനാമ: സറ ക്രിയേഷൻസ് വേൾഡ് മലയാളി ഗ്രൂപ്പിലെ കുട്ടികൾ കോവിഡ് പോരാട്ടത്തിൽ മുന്നിൽനിന്ന നഴ്സുമാർക്കു വേണ്ടി 'മാലാഖമാർക്കൊരു സ്നേഹസമ്മാനം' പരിപാടി സംഘടിപ്പിച്ചു. കോവിഡ് പ്രതിസന്ധി ഘട്ടത്തിൽ പ്രവാസികളായ സ്ത്രീകൾക്കും കുട്ടികൾക്കും മാനസികമായി പിന്തുണ നൽകാനും ക്രിയാത്മകമായ കഴിവുകൾ പ്രോത്സാഹിപ്പിക്കാനുമായി ബഹ്റൈനിൽ തുടക്കം കുറിച്ചതാണ് സറ ക്രിയേഷൻസ് വേൾഡ് മലയാളി ഗ്രൂപ്.
അനീറ്റ, ദിയ, ഡെറിക്, മുഹമ്മദ് ഹർസിൻ, ജാനിസ് ജോയ്, കാതറിൻ ജിജോ, നൈല, സിയ ഫാത്തിമ, റിഥ്വിക എന്നീ കുട്ടികൾ സ്വന്തമായി നിർമിച്ച ഗിഫ്റ്റ് ബോക്സിൽ ഓണാശംസയും മധുരവും സൽമാനിയ ഹോസ്പിറ്റൽ, ഷിഫ അൽ ജസീറ മെഡിക്കൽ സെൻറർ, ജർമൻ മെഡിക്കൽ സെൻറർ എന്നിവിടങ്ങളിലെ നഴ്സുമാർക്ക് നൽകി. കുട്ടികൾ സ്വന്തമായി നിർമിച്ച ഗിഫ്റ്റ് ബോക്സ് അംഗീകാരമായി കാണുന്നുവെന്ന് നഴ്സുമാർ പ്രതികരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.