മനാമ: തൃശ്ശൂർ ജില്ലയിലെ കുന്നംകുളം സ്വദേശികളായ ബഹ്റൈൻ പ്രവാസികളുടെ സംഘടനയായ കുന്നംകുളം കൂട്ടായ്മ ഉം അൽ ഹസം ബാങ്കോക്ക് റസ്റ്റോറൻറിൽ നടന്ന ചടങ്ങിൽ ബഹ്റൈനിലെ സാമൂഹിക പ്രവർത്തക ഫാത്തിമ അൽ മൻസൂരി ഉദ്ഘാടനം നിർവ്വഹിച്ചു. കൂട്ടായ്മയുടെ സംഘാടകൻ ആയിരുന്ന അഭിലാഷ് കടവല്ലൂരിന് ചടങ്ങിൽ ആദരഞ്ജലികൾ അർപ്പിച്ചു. കുന്നംകുളം കൂട്ടായ്മയുടെ ഉപഹാരം ഫാത്തിമ അൽ മൻസൂരിക്ക് ബഹ്റൈൻ കേരള സമാജം പ്രസിഡൻറ് പി.വി രാധാകൃഷണപ്പിള്ള കൈമാറി.
കേരളം നേരിട്ട പ്രളയക്കെടുതികളിൽ ഫാത്തിമ അൽ മൻസൂരി നൽകിയ സഹായങ്ങൾക്ക് നന്ദിയർപ്പിച്ച് അവരെ ആദരിക്കുകയും ചെയ്തു. കുന്നംകുളം താലൂക്ക് ആശുപത്രിയിലെ ഡയാലിസിസ് യൂണിറ്റിലേക്ക് കുന്നംകുളം കൂട്ടായ്മ സ്വരൂപിച്ച് നൽകിയ മൂന്ന് ലക്ഷം രൂപയുടെ ചെക്ക് ഫാത്തിമ അൽ മൻസൂരിയിൽ നിന്ന് രാധാകൃഷ്ണപിള്ള ഏറ്റുവാങ്ങി. ബഹ്റൈനിലെ വർധിച്ചു വരുന്ന ജല വൈദ്യുതി ബില്ലിനു ഒരു പരിഹാരം കാണുന്നതിനു ബഹ്റൈൻ അധികാരികൾക്ക് അപേക്ഷ നൽകുമെന്ന് ലോക കേരള സഭാഗം രാജു കല്ലുപുറം പറഞ്ഞു. ബഷീർ അമ്പലായി, ബിനു കുന്നന്താനം എന്നിവർ സംസാരിച്ചു.
കുന്നംകുളം കൂട്ടായ്മയുടെ പ്രസിഡൻറ് ജോയ് ചൊവ്വന്നൂർ അധ്യക്ഷത വഹിച്ചു. ചടങ്ങിൽ ജനറൽ സെക്രട്ടറി ജെറി കോലാടി സ്വാഗതവും ജിഷാർ കടവല്ലൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.