മനാമ: ബഹ്റൈനിൽ കോവിഡ് -19 ബാധിച്ച് ചികിത്സയിലുള്ളവരുടെ എണ്ണം 77 ആയി. വെള്ളിയാഴ്ച 5 6 പേരാണ് ചികിത്സയിലുണ്ടായിരുന്നത്. ശനിയാഴ്ച രണ്ടുപേരെ സുഖം പ്രാപിച്ചതിനെത്തുട ർന്ന് വിട്ടയച്ചു. ഇതുവരെ ആകെ ആറുപേരെയാണ് ഡിസ്ചാർജ് ചെയ്തത്. ചികിത്സയിലുള്ളവരിൽ 76 പേരുടെയും ആരോഗ്യനില മെച്ചപ്പെട്ടതായി ആരോഗ്യവകുപ്പ് അറിയിച്ചു.
6449 പേരെയാണ് പരിശോധനക്ക് വിധേയമാക്കിയത്. രോഗം ബാധിച്ച രാജ്യങ്ങളിൽനിന്ന് എത്തിയവർക്കാണ് കോവിഡ് -19 സ്ഥിരീകരിച്ചിട്ടുള്ളത്. ബഹ്റൈനിൽവെച്ച് രോഗം പകർന്ന സംഭവങ്ങൾ റിപ്പോർട്ട് ചെയ്തിട്ടില്ല. അതേസമയം, സ്കൂളുകളും സ്കൂൾ ബസുകളും അണുമുക്തമാക്കുന്ന നടപടികൾ പൂർത്തിയായതായി വിദ്യാഭ്യാസ വകുപ്പ് അറിയിച്ചു. രണ്ടാഴ്ചത്തെ അവധിക്കുശേഷം വിദ്യാഭ്യാസ സ്ഥാപനങ്ങൾ ഞായറാഴ്ച തുറക്കുന്നതിന് മുന്നോടിയായാണ് ഇത്.
അധ്യാപക, അനധ്യാപക ജീവനക്കാർ മാത്രമാണ് ഇന്ന് സ്ഥാപനങ്ങളിൽ എത്തുക. വിദ്യാർഥികൾക്ക് രണ്ടാഴ്ചകൂടി അവധി നൽകിയിരിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.