കി​ങ് ഫ​ഹ​ദ് കോ​സ്‌​വേ ഇ​ല​ക്ട്രി​ക് വാ​ഹ​ന ചാ​ർ​ജി​ങ് സ്റ്റേ​ഷ​നു​ക​ൾ​ക്ക് നി​ർ​ദേ​ശം

മ​നാ​മ: കി​ങ് ഫ​ഹ​ദ് കോ​സ്‌​വേ​യി​ൽ ഇ​ല​ക്ട്രി​ക് വാ​ഹ​ന ചാ​ർ​ജി​ങ് സ്റ്റേ​ഷ​നു​ക​ൾ സ്ഥാ​പി​ക്കാ​ൻ നി​ർ​ദേ​ശ​വു​മാ​യി സ​തേ​ൺ മു​നി​സി​പ്പ​ൽ കൗ​ൺ​സി​ൽ ചെ​യ​ർ​മാ​ൻ അ​ബ്ദു​ല്ല അ​ബ്ദു​ല്ല​ത്തീ​ഫ്. ഗ​ൾ​ഫ് മേ​ഖ​ല​യി​ൽ ഇ​ല​ക്ട്രി​ക് വാ​ഹ​ന ഉ​പ​യോ​ക്താ​ക്ക​ളു​ടെ എ​ണ്ണം വ​ർ​ധി​ക്കു​ന്ന സാ​ഹ​ച​ര്യ​ത്തി​ലാ​ണി​ത്. ബ​ഹ്റൈ​നി​ലെ ഏ​റ്റ​വും തി​ര​ക്കേ​റി​യ പ്ര​വേ​ശ​ന​ക​വാ​ട​മാ​യ കി​ങ് ഫ​ഹ​ദ് കോ​സ്‌​വേ​യി​ൽ ത​ന്നെ സ്ഥാ​പി​ക്കു​ന്ന​തി​ലൂ​ടെ കൂ​ടു​ത​ൽ പേ​ർ​ക്ക് ഉ​പ​കാ​ര​പ്പെ​ടു​മെ​ന്നാ​ണ് വി​ല​യി​രു​ത്ത​ൽ. നി​ർ​ദേ​ശം മ​ന്ത്രി​സ​ഭ​ക്കും പാ​ർ​ല​മെ​ന്‍റി​നും ശൂ​റ കൗ​ൺ​സി​ലി​നും സ​മ​ർ​പ്പി​ച്ചു.

രാ​ജ്യ​ത്തു​ട​നീ​ള​മു​ള്ള ബാ​പ്കോ ടാ​സീ​ഡ് പ്ര​വ​ർ​ത്തി​പ്പി​ക്കു​ന്ന പെ​ട്രോ​ൾ സ്റ്റേ​ഷ​നു​ക​ളി​ലും പ്ര​ത്യേ​കി​ച്ച് പ്ര​ധാ​ന ഹൈ​വേ​ക​ളി​ലും ഇ​ന്റ​ർ​സി​റ്റി റൂ​ട്ടു​ക​ളി​ലും ചാ​ർ​ജ​റു​ക​ൾ സ്ഥാ​പി​ക്ക​ണ​മെ​ന്നും നി​ർ​ദേ​ശ​ത്തി​ൽ പ​റ​യു​ന്നു. ബ​ഹ്റൈ​നെ സൗ​ദി​യു​മാ​യി ബ​ന്ധി​പ്പി​ക്കു​ന്ന കോ​സ്വേ, ജി.​സി.​സി​യി​ലെ​ത​ന്നെ ഏ​റ്റ​വും തി​ര​ക്കേ​റി​യ ക​ര​മാ​ർ​ഗ​ങ്ങ​ളി​ലൊ​ന്നാ​ണ്. ദീ​ർ​ഘ​ദൂ​ര ക​ര റൂ​ട്ടു​ക​ളി​ൽ ചാ​ർ​ജി​ങ് ഓ​പ്ഷ​നു​ക​ൾ ഇ​ല്ലാ​ത്ത​ത് മേ​ഖ​ല​യി​ലു​ട​നീ​ള​മു​ള്ള നി​ര​വ​ധി യാ​ത്ര​ക്കാ​ർ​ക്കും വി​നോ​ദ​സ​ഞ്ചാ​രി​ക​ൾ​ക്കും ഇ​ല​ക്ട്രി​ക് വാ​ഹ​ന​യാ​ത്ര വെ​ല്ലു​വി​ളി നി​റ​ഞ്ഞ​താ​ക്കി​യ​താ​യി അ​ബ്ദു​ല്ല​ത്തീ​ഫ് ചൂ​ണ്ടി​ക്കാ​ട്ടി.

നി​ല​വി​ൽ ഇ.​വി വാ​ഹ​ന​ങ്ങ​ളു​ടെ എ​ണ്ണം കു​റ​വാ​ണെ​ങ്കി​ലും 2035 ഓ​ടെ മേ​ഖ​ല​യി​ൽ വ​ലി​യ രീ​തി​യി​ൽ വ്യാ​പി​ക്കാ​നി​ട​യു​ണ്ട്. അ​തി​നാ​ൽ കി​ങ് ഫ​ഹ​ദ് കോ​സ്‌​വേ പോ​ലു​ള്ള പ്ര​ധാ​ന ബോ​ർ​ഡ​റു​ക​ളി​ൽ ഇ.​വി ചാ​ർ​ജി​ങ് സ​ജ്ജീ​ക​രി​ച്ച് ഇ​പ്പോ​ൾ​ത​ന്നെ ത​യാ​റെ​ടു​പ്പു​ക​ൾ ആ​രം​ഭി​ക്ക​ണ​മെ​ന്ന് പ്രാ​ദേ​ശി​ക മാ​ധ്യ​മ​ത്തോ​ട് സം​സാ​രി​ക്ക​വേ അ​ബ്ദു​ല്ല​ത്തീ​ഫ് പ​റ​ഞ്ഞു.

നി​ർ​ദേ​ശ​ത്തെ പി​ന്തു​ണ​ച്ച പാ​ർ​ല​മെ​ന്‍റി​ന്‍റെ സാ​മ്പ​ത്തി​ക​കാ​ര്യ​സ​മി​തി ചെ​യ​ർ​മാ​ൻ എം.​പി. അ​ഹ​മ്മ​ദ് അ​ൽ സ​ല്ലൂം പ​ദ്ധ​തി​യു​ടെ സാ​ധ്യ​ത വി​ല​യി​രു​ത്തി​വ​രു​ക​യാ​ണെ​ന്ന് സ്ഥി​രീ​ക​രി​ച്ചു. പ​ദ്ധ​തി ന​ട​പ്പാ​ക്കു​ക​യാ​ണെ​ങ്കി​ൽ, ഒ​രു അ​ന്താ​രാ​ഷ്ട്ര കോ​സ്‌​വേ​യി​ൽ ഇ.​വി ചാ​ർ​ജി​ങ് സൗ​ക​ര്യം വാ​ഗ്‌​ദാ​നം ചെ​യ്യു​ന്ന ആ​ദ്യ​ത്തെ ജി.​സി.​സി രാ​ജ്യ​ങ്ങ​ളി​ൽ ഒ​ന്നാ​യി ബ​ഹ്റൈ​ൻ മാ​റും. സാ​ധ്യ​ത​യു​ള്ള സ്ഥ​ല​ങ്ങ​ൾ, സാ​ങ്കേ​തി​ക ആ​വ​ശ്യ​ക​ത​ക​ൾ, പ​ങ്കാ​ളി​ത്ത​ങ്ങ​ൾ എ​ന്നി​വ ഉ​ൾ​പ്പെ​ടെ​യു​ള്ള വി​ശ​ദ​മാ​യ വി​ല​യി​രു​ത്ത​ൽ തു​ട​ർ​ന്ന് ന​ട​ക്കും. മി​ക​ച്ച ഗ​താ​ഗ​ത സം​വി​ധാ​ന​ത്തി​ലേ​ക്കു​ള്ള ചു​വ​ടു​വെ​പ്പാ​യി ഇ​തി​നെ കാ​ണു​ന്ന പ​രി​സ്ഥി​തി പ്ര​വ​ർ​ത്ത​ക​രി​ൽ​നി​ന്നും ഡ്രൈ​വ​ർ​മാ​രി​ൽ​നി​ന്നും നി​ർ​ദേ​ശ​ത്തി​ന് ന​ല്ല പ്ര​തി​ക​ര​ണ​മാ​ണ് ല​ഭി​ക്കു​ന്ന​ത്.