ഇ​ന്റ​ർ​നാ​ഷ​ന​ൽ സ്‌​പേ​സ് ഫോ​റം സ​മ്മേ​ള​നത്തിൽ ബ​ഹി​രാ​കാ​ശ സ​ഹ​ക​ര​ണം ച​ർ​ച്ച ചെയ്തു

മ​നാ​മ: ആ​റാ​മ​ത് ഇ​ന്റ​ർ​നാ​ഷ​ന​ൽ സ്‌​പേ​സ് ഫോ​റം മി​നി​സ്റ്റീ​രി​യ​ൽ​ത​ല സ​മ്മേ​ള​നം ബ​ഹ്റൈ​നി​ൽ ന​ട​ന്നു. മി​ഡി​ലീ​സ്റ്റ്, നോ​ർ​ത്ത് ആ​ഫ്രി​ക്ക (എം.​ഇ.​എ​ൻ.​എ) മേ​ഖ​ല​യി​ൽ ആ​ദ്യ​മാ​യി ന​ട​ന്ന ഫോ​റം ഇ​ന്റ​ർ​നാ​ഷ​ന​ൽ ആ​സ്ട്രോ​നോ​ട്ടി​ക്ക​ൽ ഫെ​ഡ​റേ​ഷ​ന്റെ​യും ഇ​റ്റാ​ലി​യ​ൻ ബ​ഹി​രാ​കാ​ശ ഏ​ജ​ൻ​സി​യു​ടെ​യും സ​ഹ​ക​ര​ണ​ത്തോ​ടെ​യാ​ണ് സം​ഘ​ടി​പ്പി​ച്ച​ത്.

മേ​ഖ​ല​യി​ലെ ന​യ​ത​ന്ത്ര, സാ​മ്പ​ത്തി​ക വി​ക​സ​ന​ത്തി​ന്റെ ദി​ശ നി​ർ​ണ​യി​ക്കു​ന്ന ബ​ഹി​രാ​കാ​ശ ശാ​സ്ത്രം എ​ന്ന പ്ര​മേ​യ​ത്തി​ലാ​ണ് സ​മ്മേ​ള​നം ന​ട​ന്ന​ത്. സ​മൂ​ഹ​ത്തി​ന് പ്ര​യോ​ജ​ന​ക​ര​വും കാ​ര്യ​ക്ഷ​മ​വു​മാ​യ സേ​വ​ന​ങ്ങ​ൾ ന​ൽ​കു​ന്ന​തി​ൽ ബ​ഹി​രാ​കാ​ശ സാ​ങ്കേ​തി​ക​വി​ദ്യ​യു​ടെ പ​രി​വ​ർ​ത്ത​ന ശ​ക്തി​യെ സൂ​ചി​പ്പി​ക്കു​ന്ന പ്ര​മേ​യ​ത്തി​ൽ ന​ട​ന്ന ച​ർ​ച്ച​ക​ൾ നി​ർ​ണാ​യ​ക​മാ​യി​രു​ന്നെ​ന്ന് ഗ​താ​ഗ​ത, വാ​ർ​ത്ത​വി​നി​മ​യ മ​ന്ത്രി​യും നാ​ഷ​ന​ൽ സ്‌​പേ​സ് സ​യ​ൻ​സ് ഏ​ജ​ൻ​സി (എ​ൻ.​എ​സ്.​എ​സ്.​എ) ചെ​യ​ർ​മാ​നു​മാ​യ മു​ഹ​മ്മ​ദ് ബി​ൻ താ​മ​ർ അ​ൽ കാ​ബി പ​റ​ഞ്ഞു.ബ​ഹി​രാ​കാ​ശ ശാ​സ്ത്ര പു​രോ​ഗ​തി​യി​ൽ അ​റ​ബ് മേ​ഖ​ല സ്വീ​ക​രി​ച്ച ന​ട​പ​ടി​ക​ളു​ടെ പ്രാ​ധാ​ന്യം മ​ന്ത്രി എ​ടു​ത്തു​പ​റ​ഞ്ഞു.

ബ​ഹി​രാ​കാ​ശ പ​ര്യ​വേ​ക്ഷ​ണം, ന​യ​ത​ന്ത്രം, സാ​മ്പ​ത്തി​ക വി​ക​സ​നം എ​ന്നി​വ​യി​ൽ ന​വീ​ക​ര​ണം, വി​ജ്ഞാ​ന കൈ​മാ​റ്റം, സ​ഹ​ക​ര​ണ പ​ങ്കാ​ളി​ത്തം എ​ന്നി​വ പ്രോ​ത്സാ​ഹി​പ്പി​ക്കു​ന്ന ഒ​രു പ്ലാ​റ്റ്ഫോം സൃ​ഷ്ടി​ക്കാ​ൻ അ​ന്താ​രാ​ഷ്ട്ര പ​ങ്കാ​ളി​ക​ളു​മാ​യി എ​ൻ.​എ​സ്.​എ​സ്.​എ ശ്ര​മ​ങ്ങ​ൾ ന​ട​ത്തി​ക്കൊ​ണ്ടി​രി​ക്കു​ക​യാ​ണെ​ന്നും മ​ന്ത്രി ചൂ​ണ്ടി​ക്കാ​ട്ടി.

ഗ​ൾ​ഫ് കോ-​ഓ​പ​റേ​ഷ​ൻ കൗ​ൺ​സി​ൽ (ജി.​സി.​സി) സെ​ക്ര​ട്ട​റി ജ​ന​റ​ൽ ജാ​സിം മു​ഹ​മ്മ​ദ് അ​ൽ​ബു​ദൈ​വി, ഫോ​റ​ത്തി​ന് ബ​ഹ്‌​റൈ​ൻ ആ​തി​ഥേ​യ​ത്വം വ​ഹി​ച്ച​തി​നെ അ​ഭി​ന​ന്ദി​ച്ചു. ഭൗ​മ നി​രീ​ക്ഷ​ണ ആ​പ്ലി​ക്കേ​ഷ​നു​ക​ൾ പ​രി​സ്ഥി​തി, കാ​ലാ​വ​സ്ഥ വ്യ​തി​യാ​നം, ജി.​പി.​എ​സ്, ആ​രോ​ഗ്യം, ഊ​ർ​ജം തു​ട​ങ്ങി​യ​വ​യി​ൽ മു​ന്നേ​റ്റ​മു​ണ്ടാ​ക്കാ​ൻ ബ​ഹി​രാ​കാ​ശ​മേ​ഖ​ല​യി​ലെ പ​ര​സ്പ​ര സ​ഹ​ക​ര​ണം ജി.​സി.​സി​ക്ക് ഗു​ണം ചെ​യ്യും. ബ​ഹി​രാ​കാ​ശ പ​ര്യ​വേ​ക്ഷ​ണ​ത്തി​ലെ ആ​ഗോ​ള നി​ക്ഷേ​പം ഏ​ക​ദേ​ശം 272 ബി​ല്യ​ൺ ഡോ​ള​റി​ലെ​ത്തി. ബ​ഹി​രാ​കാ​ശ മേ​ഖ​ല​യി​ൽ ത​ങ്ങ​ളു​ടെ ക​ഴി​വു​ക​ൾ വ​ർ​ധി​പ്പി​ക്കാ​ൻ ജി.​സി.​സി രാ​ജ്യ​ങ്ങ​ൾ ദ​ശാ​ബ്ദ​ങ്ങ​ളാ​യി എ​ങ്ങ​നെ പ്ര​വ​ർ​ത്തി​ക്കു​ന്നെ​ന്ന് അ​ൽ​ബു​ദൈ​വി വി​ശ​ദീ​ക​രി​ച്ചു.

ജി.​സി.​സി രാ​ജ്യ​ങ്ങ​ൾ ദേ​ശീ​യ ബ​ഹി​രാ​കാ​ശ ഏ​ജ​ൻ​സി​ക​ൾ സ്ഥാ​പി​ക്കു​ക​യും പ്ര​ത്യേ​ക അ​ക്കാ​ദ​മി​ക പ​രി​ശീ​ല​ന പ​രി​പാ​ടി​ക​ൾ ആ​രം​ഭി​ക്കു​ക​യും നൂ​ത​നാ​ശ​യ​ങ്ങ​ളെ​യും ശാ​സ്ത്രീ​യ ഗ​വേ​ഷ​ണ​ങ്ങ​ളെ​യും പ്രോ​ത്സാ​ഹി​പ്പി​ക്കു​ക​യും ചെ​യ്തി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ജി.​സി.​സി ബ​ഹി​രാ​കാ​ശ സ​മ്പ​ദ്‌​വ്യ​വ​സ്ഥ​യു​ടെ മൂ​ല്യം 10 ​​ബി​ല്യ​ൺ ഡോ​ള​റി​ല​ധി​ക​മാ​യെ​ന്നും അ​ദ്ദേ​ഹം വ്യ​ക്ത​മാ​ക്കി. ഇ​ന്‍റ​ർ​നാ​ഷ​ന​ൽ ആ​സ്ട്രോ​നോ​ട്ടി​ക്ക​ൽ ഫെ​ഡ​റേ​ഷ​ൻ പ്ര​സി​ഡ​ന്റ് ക്ലേ ​മൗ​റി​യും സ​മ്മേ​ള​ന​ത്തി​ന് ആ​തി​ഥേ​യ​ത്വം വ​ഹി​ച്ച ബ​ഹ്റൈ​നെ പ്ര​ശം​സി​ച്ചു.

സു​ൽ​ത്താ​ൻ അ​ൽ​നി​യാ​ദി ബ​ഹി​രാ​കാ​ശ​ത്ത് നി​ന്നെ​ടു​ത്ത ബ​ഹ്റൈ​നി​ന്റെ ചി​ത്രം

 ബ​ഹി​രാ​കാ​ശ​ത്തു​നി​ന്ന് നോ​ക്കു​മ്പോ​ൾ ഭൂ​മി​യി​ൽ അ​തി​രു​ക​ളി​ല്ല -സു​ൽ​ത്താ​ൻ അ​ൽ​നി​യാ​ദി

മ​നാ​മ: അ​റ​ബ് ലോ​ക​ത്തെ ആ​ദ്യ ബ​ഹി​രാ​കാ​ശ സ​ഞ്ചാ​രി​യാ​യ സു​ൽ​ത്താ​ൻ അ​ൽ​നി​യാ​ദി ബ​ഹ്റൈ​നി​ലെ​ത്തി. ബ​ഹ്റൈ​നി​ൽ ന​ട​ക്കു​ന്ന ആ​റാ​മ​ത് ഇ​ന്റ​ർ​നാ​ഷ​ന​ൽ സ്‌​പേ​സ് ഫോ​റം മി​നി​സ്റ്റീ​രി​യ​ൽ ത​ല​യോ​ഗ​ത്തി​ൽ പ​​ങ്കെ​ടു​ക്കാ​ൻ, ത​ന്റെ സ​ഹ​യാ​ത്രി​ക​നാ​യി​രു​ന്ന ഹ​സ്സ അ​ൽ മ​ൻ​സൂ​രി​യോ​ടൊ​പ്പ​മെ​ത്തി​യ അ​ദ്ദേ​ഹം ബ​ഹ്‌​റൈ​ൻ യൂ​നി​വേ​ഴ്‌​സി​റ്റി​യി​ലെ വി​ദ്യാ​ർ​ഥി​ക​ളു​മാ​യി സം​വ​ദി​ച്ചു.

സു​ൽ​ത്താ​ൻ അ​ൽ​നി​യാ​ദി ഇ​ന്റ​ർ​നാ​ഷ​ന​ൽ സ്‌​പേ​സ് ഫോ​റ​ത്തി​ൽ

നി​ശ്ച​യ ദാ​ർ​ഢ്യ​മു​ള്ള ആ​ർ​ക്കും ബ​ഹി​രാ​കാ​ശ സ​ഞ്ചാ​രി​യാ​കാ​മെ​ന്നും വി​ദ്യാ​ർ​ഥി​ക​ളെ പ്ര​പ​ഞ്ച​ത്തി​ന്റെ വി​ശാ​ല കാ​ഴ്ച​ക​ൾ കാ​ണാ​ൻ ക്ഷ​ണി​ക്കു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു. അ​ർ​പ്പ​ണ​ബോ​ധ​മു​ണ്ടെ​ങ്കി​ൽ 70 വ​യ​സ്സു​ള്ള ആ​ൾ​ക്കു​പോ​ലും ബ​ഹി​രാ​കാ​ശ​ത്ത് പോ​കാം. 69 കാ​ര​നാ​യ നാ​സ​യു​ടെ ഏ​റ്റ​വും പ്രാ​യം കൂ​ടി​യ ബ​ഹി​രാ​കാ​ശ​യാ​ത്രി​ക​ൻ ഡോ​ൺ പെ​റ്റി​റ്റ് ഇ​ന്‍റ​ർ​നാ​ഷ​ന​ൽ സ്​​പേ​സ് സ്റ്റേ​ഷ​നി​ലേ​ക്ക് യാ​ത്ര​തി​രി​ക്കു​ന്ന കാ​ര്യം ചൂ​ണ്ടി​ക്കാ​ട്ടി​ക്കൊ​ണ്ട് അ​ദ്ദേ​ഹം പ​റ​ഞ്ഞു.

ബ​ഹി​രാ​കാ​ശ ശാ​സ്ത്ര​രം​ഗ​ത്ത് ബ​ഹ്റൈ​ൻ കാ​ണി​ക്കു​ന്ന താ​ൽ​പ​ര്യം പ്ര​ശം​സ​നീ​യ​മാ​ണ്. അ​ടു​ത്ത കാ​ല​ത്തു​ത​ന്നെ മ​റ്റു ജി.​സി.​സി രാ​ജ്യ​ങ്ങ​ളി​ൽ​നി​ന്ന് ഒ​രു ബ​ഹ്റൈ​നി​യെ​യും ബ​ഹി​രാ​കാ​ശ​ത്ത് കാ​ണാ​ൻ ക​ഴി​യു​മെ​ന്നും അ​ദ്ദേ​ഹം പ​റ​ഞ്ഞു. താ​ൻ ഭൂ​മി​യി​ൽ​നി​ന്ന് 400 കി​ലോ​മീ​റ്റ​ർ ഉ​യ​ര​ത്തി​ൽ നി​ന്നെ​ടു​ത്ത ബ​ഹ്റൈ​നി​ന്റെ​യും ഖ​ത്ത​റി​ന്റെ​യും ചി​ത്ര​വും അ​ദ്ദേ​ഹം വി​ദ്യാ​ർ​ഥി​ക​ളെ കാ​ണി​ച്ചു.

ര​ണ്ട് രാ​ജ്യ​ങ്ങ​ളെ​യും ഗ​ൾ​ഫി​ന്റെ ‘ഹൃ​ദ​യ​ത്തി​ൽ തി​ള​ങ്ങു​ന്ന ര​ണ്ട് മു​ത്തു​ക​ൾ’ എ​ന്നാ​ണ് അ​ദ്ദേ​ഹം വി​ശേ​ഷി​പ്പി​ച്ച​ത്. ബ​ഹി​രാ​കാ​ശ​ത്ത്, നി​ന്ന് നോ​ക്കു​മ്പോ​ൾ ഭൂ​മി​യി​ൽ അ​തി​രു​ക​ളി​ല്ലെ​ന്നും അ​ദ്ദേ​ഹം പ​റ​ഞ്ഞു.