പ്രളയബാധിതരായ പ്രവാസികളും  വേദനയുടെ തുരുത്തിൽ

മനാമ: ​ബഹ്​റൈൻ മലയാളി സമൂഹത്തിലെ നൂറുകണക്കിന്​ പ്രവാസികളാണ്​ പ്രളയത്തി​​​െൻറ അനന്തര ഫലങ്ങൾ നേരിടുന്നത്​. എറണാകുളം, വയനാട്​, കോഴിക്കോട്​, മലപ്പുറം, കണ്ണൂർ, പാലക്കാട്​, തൃശൂർ, പത്തനംതിട്ട ജില്ലക്കാരായ നിരവധി പ്രവാസികൾക്കാണ്​ വീടും ആകെയുള്ള സമ്പാദ്യവും വെള്ളം കയറി നഷ്​ടപ്പെട്ടത്​. എന്നാൽ തങ്ങളുടെ കുടുംബത്തിനുണ്ടായ നാശനഷ്​ടങ്ങളെ കുറിച്ച്​ കൃത്യമായ കണ​ക്കെടുപ്പ്​ നടത്തി നഷ്​ടപരിഹാരം ലഭിക്കാൻ നടപടി ഉണ്ടാകണമെന്ന്​ പ്രവാസികളുടെ ആവശ്യമുയരുന്നുണ്ട്​.

ഗൃഹനാഥൻമാർ പ്രവാസികളായ വീടുകളിൽ സ്​ത്രീ​കളും കുട്ടികളും അല്ലെങ്കിൽ  പ്രായമായവരോ മാത്രമുള്ള അവസ്ഥയാണ്​. പ്രവാസി കുടുംബങ്ങൾ ഗൾഫിലായതിനാൽ ചിലരുടെ വീടുകൾ പൂട്ടികിടക്കുന്നുണ്ട്​. അതിനാൽ നഷ്​ടപരിഹാരത്തിനും നഷ്​ടമായ രേഖകൾ സംഘടിപ്പിക്കാനും സർക്കാർ ഒാഫീസുകളിൽ കയറിയിറങ്ങാൻ പരിമിതികളുള്ള അവസ്ഥയുണ്ട്​. പ്രളയത്തി​​​െൻറ ഭാഗമായുള്ള നാശനഷ്​ടങ്ങളുടെ കണക്കെടുപ്പിലും നഷ്​ടപരിഹാര വിതരണത്തിലും പ്രവാസി കുടുംബങ്ങൾക്ക്​ അർഹമായ പരിഗണന ഉണ്ടാകണമെന്നതാണ്​ പൊതുവായി ഉയരുന്ന ആവശ്യം. കേരളത്തിൽ പ്രളയത്തിൽ മാലിന്യം അടിഞ്ഞുകൂടിയ വീടുകൾ ശുചീകരിക്കാൻ രാഷ്​ട്രീയ പാർട്ടി പ്രവർത്തകരും സന്നദ്ധ പ്രവർത്തകരും മത്​സരിക്കുന്ന കാഴ്​ചയാണുള്ളത്​. എന്നാൽ നിരവധി പ്രവാസികൾ തങ്ങളുടെ ​വീടുകളിലെ പ്രളയമാലിന്യം നീക്കാൻ ആരുടെയും സഹായം ലഭിച്ചില്ലെന്ന പരിഭവം ഉന്നയിക്കുന്നുണ്ട്​. പലരും സ്വന്തം പണം മുടക്കി വീട്​ ശുചീകരിക്കുകയാണ്​. അതിന്​ മാത്രം ലക്ഷത്തോളം രൂച ചെലവായ പ്രവാസികളുമുണ്ട്​. 

വീട്​ ശുചീകരിക്കാൻ  ലക്ഷം രൂപ; മറ്റ്​ നാശനഷ്​ടവും മനാമ: പ്രളയം വീടിനെ മുക്കിയപ്പോൾ പ്രവാസകാലത്തെ സമ്പാദ്യങ്ങൾ നശിച്ചതായി ആല​ുവ ഉളിയന്നൂർ സ്വദേശിയും ബഹ്​റൈൻ പ്രവാസിയുമായ അദ്​ഹം പറഞ്ഞു. മാത്രമല്ല പ്രളയത്തിൽ മുങ്ങിയ വീടുകൾ വൃത്തിയാക്കാൻ തങ്ങളുടെ മേഖലയിൽ സന്നദ്ധ പ്രവർത്തകർ എത്തിയെങ്കിലും ചില വീടുകൾ മാത്രമാണ്​ അവർ വൃത്തിയാക്കിയതെന്നും നിരവധി പ്രവാസികളുടെ ഭവനങ്ങളെ അവഗണിച്ചതായും അദ്ദേഹം പറഞ്ഞു. അതിനാൽ തങ്ങൾ തൊഴിലാളികളെ നിർത്തി വീട്​ വൃത്തിയാക്കുകയായിരുന്നു.

ഇതുവരെ 75000രൂപ ചെലവായി. ഇതിനുപുറമെ ഇനിയും നല്ലൊരു സംഖ്യ വേണമെന്നതാണ്​ അവസ്ഥ. മാത്രമല്ല ഗൃഹോപകരണങ്ങളെല്ലാം നശിച്ചു. പാത്രങ്ങളും വസ്​ത്രങ്ങളും   ഒഴുകിപ്പോയി.  വീടിന്​ വേണ്ട സാധനങ്ങളെല്ലാം ഇനി വാങ്ങേണ്ട അവസ്ഥയാണ്​. അതിനൊപ്പം തങ്ങൾക്ക്​ ഗവൺമ​​െൻറി​​​െൻറ സഹായ പ്രവർത്തനങ്ങൾ കിട്ടുന്ന കാര്യവും ഉറപ്പാക്കണം. പ്രവാസി വീടുകളോട്​  ചില സന്നദ്ധ പ്രവർത്തകർ അവഗണന കാട്ടിയത്​ പ്രവാസിയായ തന്നെയും ത​​​െൻറ കുടുംബത്തെയും വേദനിപ്പിച്ചതായും പ്രളയത്തിൽ എല്ലാം നഷ്​ടമായിട്ടും മറ്റുള്ള വേർതിരിവുകൾ ഉണ്ടാകാൻ പാടില്ലാത്തതാണെന്നും അദ്​ഹം ചൂണ്ടിക്കാട്ടി. പ്രളയത്തിൽ വീട്​ മുങ്ങിയപ്പോൾ   ​നേവി ഉദ്യോഗസ്ഥർ എത്തിയാണ്​  അദ്​ഹമി​​​െൻറ വീട്ടുകാരെ രക്ഷപ്പെട​ുത്തിയത്​.

നഷ്​ടമേറെ, വീട്ടുകാർ രക്ഷപ്പെട്ടത്​ ഏറെ കഷ്​ടപ്പെട്ട്​ മനാമ: എറണാകുളം ശ്രീമൂലനഗരം സ്വദേശിയും ബഹ്​റൈൻ പ്രവാസിയുമായ മത്തായിക്ക്​ നാട്ടിലെ പ്രളയത്തെ കുറിച്ച്​ പറയാൻ ഏറെ. ത​​​െൻറ വീട്ടുകാർക്ക്​ പ്രളയത്തിൽ മുങ്ങിയ വീട്ടിൽ നിന്ന്​ രണ്ടുകിലോമീറ്റർ അകലെയുള്ള ബന്​ധുവീട്ടി​ലേക്ക്​ വെള്ളത്തിലൂടെ കഷ്​ടപ്പെട്ട്​ നടന്നുപോകേണ്ടി വന്നു. ശരീരത്തി​​​െൻറ പകുതിവരെ വെള്ളമായിരുന്നു പലയിടങ്ങളിലും. വീടി​​​െൻറ അകത്ത്​ വെള്ളം കയറി ഏറെ സാധനങ്ങൾ നശിച്ചു. കിണറും മലിനമായി. വെള്ളം ഇറങ്ങിയപ്പോൾ പാമ്പി​​​െൻറ ശല്ല്യവും രൂക്ഷമായി. രണ്ട്​ മൂർഖൻ പാമ്പുകളെ വീടി​​​െൻറ മുന്നിൽ നിന്ന്​ സന്നദ്ധ പ്രവർത്തകർ പിടികൂടിയിരുന്നു. സന്നദ്ധ പ്രവർത്തകർ കിണർ ശുചീകരിക്കുകയും ചെയ്​തു.

ജോൺസ​​​െൻറ വീട്ടുസാധനങ്ങളെല്ലാം നശിച്ചു; കാറും ബൈക്കുകളും നശിച്ചു
മനാമ: പത്തനംതിട്ട റാന്നി കീക്കോ​ഴൂർ സ്വദേശിയും ബഹ്​റൈൻ പ്രവാസിയുമായ ജോൺസൻ ടി ജേക്കബ്ബി​​​െൻറ വീട്ടിലെ സാധനങ്ങൾ നശിക്കുകയും വീട്ടിന്​ മുന്നിൽ പാർക്ക്​ ചെയ്​തിരുന്ന കാറും ബൈക്കുകളും കേടാകുകയും ചെയ്​തു. പാത്രങ്ങളും വസ്​ത്രങ്ങളുമെല്ലാം നശിച്ചു. വീട്​ വൃത്തിയാക്കാനും സ്വന്തം കൈയിലെ പണം ചെലവ​ാക്കേണ്ടി വന്നു. സന്നദ്ധ പ്രവർത്തകരിൽ പലരും തങ്ങളുടെ വീടുകളിലേക്ക്​ സഹായ പ്രവർത്തനങ്ങളുമായി എത്തിയിട്ടില്ല. 
പ്രവാസികളുടെ വീടുകളിലേക്ക്​ സഹായ പ്രവർത്തനങ്ങൾ നൽകാൻ കേരളത്തിലെ സാമൂഹിക പ്രവർത്തകർ തയ്യാറാകണമെന്നും അദ്ദേഹം പറഞ്ഞു.

സച്ചി​​​െൻറ വീട്​ ഒരുവശം താഴ്​ന്നു; കനത്ത നാശനഷ്​ടം
മനാമ: തൃശൂർ എടത്തുരുത്തി മുനയംദ്വീപ്​ സ്വദേശിയും ബഹ്​റൈൻ ​െഎ.വൈ.സി.സി ​പ്രവർത്തകനുമായ സച്ചി​​​െൻറ വീടിന്​ പ്രളയാനന്തരം കനത്ത നാശനഷ്​ടങ്ങൾ സംഭവിച്ചു. വീടി​​​െൻറ ഒരുവശം​ താഴെക്ക്​ താഴ്​ന്നതായും നിലം പൊളിഞ്ഞതായും സച്ചിൻ പറയുന്നു. ഇപ്പോൾ വീടിനകത്ത്​ മു​േട്ടാളം ചെളിയാണുള്ളത്​. സാധാരണ രീതിയിൽ മഴ കൂടുതൽ പെയ്​താലും വീടിനടുത്തൊന്നും വെള്ളം കയറാറില്ല. 
എന്നാൽ സമീപത്തുള്ള പുഴയുടെ ബണ്ടുപൊട്ടിയതിനെ തുടർന്നുള്ള വെള്ളമാണ്​ വീട്ടിനകത്തേക്ക്​ കയറി​യത്​. വീട്ടുകാർ ഒരു ബന്​ധുവീടിൽ അഭയം തേടുകയായിരുന്നു. എന്നാൽ അടുത്ത ദിവസം ആ പ്രദേശത്തും വെള്ളം കയറിയ സാഹചര്യത്തിൽ ദുരിതാശ്വാസ ക്യാമ്പിലേക്ക്​ മാറി. വീട്​ അപകടത്തിലാണങ്കിലും അവിടെ താമസിക്കുകയല്ലാതെ മറ്റ്​ നിവർത്തിയില്ലെന്നും സച്ചിൻ പറയുന്നു. സാധനങ്ങളും സമ്പാദ്യങ്ങളും എല്ലാം നഷ്​ടമായി. പ്രവാസ ലോകത്തിരുന്ന്​ നഷ്​ടങ്ങളെ കുറിച്ച്​ പറയു​േമ്പാൾ സച്ചി​​​െൻറ വേദന വർധിക്കുകയാണ്​.

വെള്ളം പിൻവലിഞ്ഞപ്പോൾ ഉമർഫാറൂഖി​​​െൻറ വീട്ടിൽ അമ്പതോളം പാമ്പുകൾ
മനാമ: വളാ​േഞ്ചരി ഇരുമ്പുളിയം 10 ാം വാർഡിലെ ത​​​െൻറ വീട്​ വെള്ളത്തിൽ മുങ്ങിയതായും ഭിത്തികൾക്ക്​ വിള്ളൽ വീണത്​ ഉൾപ്പെടെയുള്ള കനത്ത നാശനഷ്​ടങ്ങൾ ഉണ്ടായതായും ബഹ്​റൈൻ പ്രവാസി ഉമർഫാറൂഖ്​ പറഞ്ഞു. ഒരുനില രണ്ട്​ ദിവസത്തോളം വെള്ളത്തിനടിയിലായിരുന്നു. പ്രദേശത്തെ യുവാക്കളാണ്​ ത​​​െൻറ വീട്ടുകാരെ രക്ഷപ്പെടുത്തിയത്​. തുടർന്ന്​ വീട്ടുകാരെ ബന്​ധുവീട്ടിലാക്കി. തുടർന്ന്​ വെള്ളം പിൻവലിഞ്ഞപ്പോൾ പ്രദേശത്തെ യുവാക്കളുടെ നേതൃത്വത്തിൽ വീട്​ വൃത്തിയാക്കി വരികയാണ്​. ശുചീകരണത്തിനിടയിൽ ഇതുവരെ വീട്ടിൽ നിന്ന്​ 50 ഒാളം പാമ്പുകളെ പിടികൂടിയതായും ഉമർഫാറൂഖ്​ പറഞ്ഞു. ഗൃഹോപകരണങ്ങളും വസ്​ത്രങ്ങളും ഫർണീച്ചറുകളും എല്ലാം വെള്ളത്തിൽ നശിച്ചു.