നാടിനുവേണ്ടി കൈകോർത്ത്​  ബഹ്​റൈൻ മലയാളി സമൂഹം

മനാമ: എല്ലാ ദുരിതങ്ങളും പെ​െട്ടന്ന്​ മാറി പ്രിയപ്പെട്ട നാട്​ പഴയതുപോലെ ആകണേയെന്ന പ്രാർഥനയിലാണ്​ ബഹ്​റൈനിലെ മലയാളികൾ. എല്ലാ ജില്ലകളി​ലെയും പ്രവാസികളും നാട്ടിലെ  ഉറ്റവരെയും സാമൂഹിക പ്രവർത്തകരെയും എല്ലാം ബന്​ധപ്പെട്ടുകൊണ്ടിരിക്കുന്നു. അതിനിടെ ബഹ്​റൈനിലുള്ള മണി ട്രാൻസ്​ഫർ എക്​സ്​ചേഞ്ചുകൾ വഴി മുഖ്യമന്ത്രിയുടെ ദുരിതാശ്വാസ നിധിയിലേക്ക്​ സാധാരണക്കാരായ പ്രവാസികളിൽ പലരും പണം അയച്ച്​ തുടങ്ങിയിട്ടുണ്ട്​. കേരളത്തിലെ കാലവർഷക്കെട​ുതിയും അതി​​​െൻറ ഭാഗമായ കനത്ത നാശനഷ്​ടങ്ങളും കണക്കിലെടുത്ത്​ ബഹ്​റൈനിലെ പ്രധാനപ്പെട്ട മലയാളി സംഘടനകൾ തങ്ങളുടെ ഒാണം, ഇൗദ്​ ആഘോഷ പരിപാടികൾ മാറ്റിവെച്ചതായി അറിയിച്ചിട്ടു

ണ്ട്​. ബഹ്​റൈൻ കേരളീയ സമാജം ആഗസ്​റ്റ്​ 31 വരെയുള്ള ഒാണം^ഇൗദ്​ ആഘോഷ പരിപാടികൾ റദ്ദാക്കിയതായി വാർത്തകുറിപ്പിൽ അറിയിച്ചു. ​
പ്രോഗ്രസീവ്​ പാനലി​​​െൻറ ഒാണാഘോഷ പരിപാടികൾ മാറ്റിവെച്ച്​ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക്​ നൽകുമെന്ന്​ അറിയിച്ചിരുന്നു. 
സിംസ്​, സബർമതി തുടങ്ങിയ സംഘടനകളും പരിപാടികൾ റദ്ദാക്കിയിട്ടുണ്ട്​. ആഘോഷങ്ങൾക്ക​ുള്ള പണം കേരളത്തി​​​െൻറ ദുരിതാശ്വാസ പ്രവർത്തനങ്ങൾക്ക്​ നൽകുമെന്നും വിവിധ സംഘടനകൾ അറിയിച്ചു. ഇൗ ​പ്രഖ്യാപനത്തെ പ്രവാസിസമൂഹം വ്യാപകമായി സ്വാഗതം ചെയ്​തിട്ടുണ്ട്​.  

‘പടവ്​’ പ്രവർത്തകർ സ്വരൂപിച്ച വസ്​ത്രങ്ങൾ   അയക്കും
മനാമ: ബഹ്​റൈനിലെ പടവ് കുടുംബവേദി സംഘടിപ്പിച്ച പുതിയതും ഉപയോഗിച്ചതുമായ വസ്ത്രങ്ങൾ കേരളത്തിലെ വെള്ളപ്പൊക്ക ദുരിദാശ്വാസ കേന്ദ്രത്തിലേക്ക് അയക്കാൻ തയ്യാറായതായി അറിയിച്ചിട്ടുണ്ട്​. ഫേസ് ബുക്ക് കൂട്ടായ്​മയായ ബഹ്‌റൈൻ ഡിഫറൻൻറ്​  തിങ്കേഴ്‌സുമായി സഹകരിച്ചാണ് പടവ് കുടുംബവേദി സാധനങ്ങൾ നാട്ടിൽ എത്തിക്കുന്നത് കുട്ടികളുടെയും മുതിർന്നവരുടെയും വസ്ത്രങ്ങൾ, ബ്ലാങ്കറ്റ്, കമ്പിളി ഉടുപ്പുകൾ മുതലായവ ഇതിൽ ഉൾപ്പെടും ഏകദേശം 500 കിലോഗ്രാമോളം തൂക്കം വരുന്ന സാധനങ്ങൾ ശനിയാഴ്​ച  ബഹ്​റൈനിൽ നിന്ന് കേരളത്തിലേക്ക് അയമെന്ന്​  പടവ് ജനറൽ സെക്രട്ടറി ഷജീർ തിരുവനന്തപുരം അറിയിച്ചു.

സഹായ പ്രവർത്തനങ്ങൾക്ക്​ നേതൃത്വം നൽകി വാട്ട്​സാപ്പ്​ ഗ്രൂപ്പുകൾ
മനാമ: ബഹ്​റൈൻ മലയാളി സാമൂഹിക പ്രവർത്തകര​ുടെ വാട്ട്​സാപ്പ്​ ഗ്രൂപ്പുകളിൽ കേരളവുമായി ബന്​ധപ്പെട്ട ദുരിതാശ്വാസ പ്രവർത്തന അറിയിപ്പുകളാണ്​ ഇപ്പോൾ പോസ്​റ്റുകളായും ഷെയറുകളായും നിറയുന്നതും. വിവിധ രാഷ്​ട്രീയ, സംഘടനകളിലുള്ളവരെല്ലാം ഇപ്പോൾ ഒരേ മനസോടെയാണ്​ വാട്ട്​സാപ്പുകളിൽ തങ്ങളുടെ ഇൗ വിഷയത്തിലുള്ള പ്രതികരണങ്ങളും അടിയന്തിരമായി ഇട​പെടേണ്ട സാഹചര്യങ്ങളെ കുറി​ച്ചുമെല്ലാം പങ്കുവെക്കുന്നത്​. കാതങ്ങൾ അകലെയാണങ്കിലും സഹായം നൽകാനുള്ള സന്നദ്ധത ഉണ്ടെങ്കിൽ അത്​ ഞൊടിയിടയിൽ ലക്ഷ്യത്തിൽ എത്തിക്കാമെന്നും ​ഇൗ ഗ്രൂപ്പുകൾ തെളിയിക്കുന്നുണ്ട്​. നാട്ടിൽ സഹായം ആവശ്യപ്പെടുന്നവരെ കുറിച്ചുള്ള വിവരങ്ങൾ, അവർക്ക്​ സഹായം ലഭിക്കാവുന്ന വ്യക്തികൾ, സംഘടനകൾ, ആഫീസുകൾ, അടിയന്തിര സഹായം ലഭിക്കുന്ന കേന്ദ്രങ്ങൾ, ദുരിതാശ്വാസ ക്യാമ്പുകൾ എന്നിവയെ കുറിച്ചെല്ലാം വിശദമായ വിവരങ്ങൾ ബഹ്​റൈനിലെ പ്രമുഖ മലയാളി വാട്ട്​സാപ്പ്​ ഗ്രൂപ്പുകളിൽ കൂടി പ്രവഹിക്കുന്നുണ്ട്​.