മനാമ: ബഹ്റൈനിലെ സേവനം അവസാനിപ്പിച്ച് മടങ്ങുന്ന ഇന്ത്യൻ അംബാസഡർ പിയൂഷ് ശ്രീവാസ്തവക്ക് വിദേശകാര്യ മന്ത്രാലയം യാത്രയയപ്പ് നൽകി. വിദേശകാര്യ മന്ത്രി ഡോ. അബ്ദുല്ലത്തീഫ് ബിൻ റാശിദ് അൽ സയാനിയുടെ നേതൃത്വത്തിലായിരുന്നു ചടങ്ങ്. ബഹ്റൈനും ഇന്ത്യയും തമ്മിലുള്ള ബന്ധവും വിവിധ മേഖലകളിലുള്ള സഹകരണവും മെച്ചപ്പെട്ട നിലയിലാണെന്ന് വിലയിരുത്തി. ബഹ്റൈനുമായി വിവിധ മേഖലകളിൽ സഹകരണം ശക്തമാക്കുന്നതിന് അംബാസഡർ നടത്തിയ ശ്രമങ്ങളെ മന്ത്രി പ്രത്യേകം ശ്ലാഘിച്ചു.
ഭാവിജീവിതം സന്തോഷവും സമാധാനവും നിറഞ്ഞതായിരിക്കട്ടെയെന്ന് ആശംസിച്ചു. ചടങ്ങിൽ ബഹ്റൈനിലെ ജോർഡൻ അംബാസഡർ റാമി സാലിഹ് വരീകാത് അൽ അദ്വാൻ, മുഹമ്മദ് ബിൻ മുബാറക് ആൽ ഖലീഫ ഡിേപ്ലാമാറ്റിക് ഇൻസ്റ്റിറ്റ്യൂട്ട് ഡയറക്ടർ ശൈഖ് മുനീറ ബിൻത് ഖലീഫ ആൽ ഖലീഫ, പ്രോേട്ടാകോൾ വിഭാഗം തലവൻ സലാഹ് മുഹമ്മദ് ശിഹാബ്, ഏഷ്യ, പസിഫിക് വിഭാഗം മേധാവി ഫാത്തിമ അബ്ദുല്ല അദ്ദാഇൻ എന്നിവരും ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.