വിമാനത്താവളത്തിന്​ സമീപമുള്ള ഫാൽക്കൺ പ്രതിമ സംരക്ഷിക്കാൻ കാമ്പയിൻ 

മനാമ: ബഹ്​റൈ​​െൻറ അടയാളമായി മാറിയ വിമാനത്താവളത്തിന്​ സമീപമുള്ള ഫാൽക്കൺ പ്രതിമയുടെ സംരക്ഷണത്തിനായി കാമ്പയിൻ തുടങ്ങി. 
34 വർഷം മുമ്പ്​ സ്​ഥാപിച്ച പ്രതിമ നീക്കാനുള്ള പൊതുമരാമത്ത്​, മുനിസിപ്പാലിറ്റികാര്യ, നഗരാസൂത്രണ മന്ത്രാലയത്തി​​െൻറ നീക്കത്തെ മുഹറഖ്​ മുനിസിപ്പൽ കൗൺസിൽ എതിർത്തിരുന്നു. പ്രതിമ സംരക്ഷണ കാമ്പയിനെ പിന്തുണക്കുന്ന നിലപാടാണ്​ മുനിസിപ്പാലിറ്റിയും സ്വീകരിക്കുന്നതെന്ന്​ പ്രാദേശിക പത്രം റിപ്പോർട്ട്​ ചെയ്​തു. ഫാൽക്കൺ പ്രതിമ മാറ്റി ബഹ്​റൈൻ ആർടിസ്​റ്റ്​ ഇബ്രാഹിം അൽ സഅദ്​ രൂപകൽപന ചെയ്​ത അറബിക്​ കാലിഗ്രാഫി ശിൽപം സ്​ഥാപിക്കുമെന്ന്​ കാണിച്ച്​ ബഹ്​റൈൻ  അതോറി​റ്റി ഫോർ കൾചർ ആൻറ്​ ആൻറിക്വിറ്റീസ്​ (ബി.എ.സി.എ) കൗൺസിലിന്​ കത്ത്​ നൽകിയിട്ടുണ്ട്​. മറ്റ്​ ചില പ്രതിമകളും കൂടി ബി.എ.സി.എയുടെ പരിഗണനയിലുണ്ട്​. മുഹറഖ്​ തീരത്ത്​ മനാമയെ അഭിമുഖീകരിച്ചുള്ള രണ്ട്​ ‘മുത്ത്​’ പ്രതിമകളിൽ ഒന്ന്​ മാറ്റി ഇവിടെ ഒരു കൂട്ടം പക്ഷികളുടെ പ്രതിമ സ്​ഥാപിക്കാനാണ്​ പദ്ധതി. തിങ്കളാഴ്​ച മനാമയിലെ ബി.എ.സി.എ ആസ്​ഥാനത്ത്​ നടന്ന കൗൺസിലർമാരുടെ യോഗത്തിൽ ഫാൽക്കൺ പ്രതിമ മാറ്റാനുള്ള പദ്ധതി അവതരിപ്പിച്ചിരുന്നു. 

ഇൗ സാഹചര്യത്തിൽ കൗൺസിൽ ചെയർമാ​​െൻറ സഹോദരൻ കൂടിയായ നജീം അൽ സിനാ​​െൻറ നേതൃത്വത്തിലാണ്​ പ്രതിമ സംരക്ഷണത്തിനായുള്ള കാമ്പയിൻ തുടങ്ങിയത്​. ഇതി​​െൻറ ഭാഗമായി പ്രതിമ നിർമിച്ച ശിൽപി മുഹമ്മദ്​ ജനാഹിയെ അദ്ദേഹത്തി​​െൻറ വെസ്​റ്റ്​ റിഫയിലെ വസതിയിലെത്തി കഴിഞ്ഞ ദിവസം നജീമി​​െൻറ നേതൃത്വത്തിലുള്ള പ്രതിനിധി സംഘം കണ്ടിരുന്നു. മുഹമ്മദ്​ ജനാഹിക്കി​പ്പോൾ 83 വയസായി. മണിക്കൂറുകൾ ആർക്കൈവ്​സിൽ പരതിയാണ്​ ഫാൽക്കൺ ശിൽപം നിർമിച്ച ആളെ കണ്ടെത്താനായത്​. 

ശിൽപിയുടെ ​പ്രശസ്​തി ഇക്കാര്യത്തിൽ പ്രസക്​തമല്ലെന്നും ശിൽപം നാടി​​െൻറ അടയാളമായി മാറിക്കഴിഞ്ഞതാണെന്നും  നജീം പ്രാദേശിക പത്രത്തോട്​ പറഞ്ഞു. ബഹ്​റൈനികളും ഗൾഫ്​ സ്വദേശികളും മനസിൽ സൂക്ഷിക്കുന്ന രൂപമാണിതെന്നും അദ്ദേഹം കൂട്ടി​ച്ചേർത്തു. 
  പ്രതിമ മാറ്റി സ്​ഥാപിക്കാൻ പ​റ്റുമെന്നും അത്​ നശിപ്പിക്കാൻ പാടില്ലെന്നും കൗൺസിൽ ചെയർമാൻ മുഹമ്മദ്​ അൽ സിനാൻ പറഞ്ഞു. ബി.എ.സി.എക്ക്​ അങ്ങ​െന ഒരു ഉദ്ദേശമില്ലെന്നും അദ്ദേഹം അഭിപ്രായപ്പെട്ടു. എവിടേക്കെങ്കിലും പ്രതിമ മാറ്റാനാണ്​ ഉദ്ദേശിക്കുന്നത്​. മുഹറഖ്​ അടുത്ത വർഷം ഇസ്​ലാമിക സംസ്​കാര കേ​ന്ദ്രമായി പ്രഖ്യാപിക്കാനുള്ള ഒരുക്കങ്ങൾ നടക്കുന്നതി​​െൻറ ഭാഗമായി ഖുർ ആൻ സൂക്​തങ്ങളടങ്ങിയ ശിൽപം സ്​ഥാപിക്കാണ്​ പദ്ധതി.അത്​ പ്രാധാന്യമർഹിക്കുന്നതാണെന്നതിൽ സംശയമില്ല. എന്നാൽ, നിലവിലുള്ള ശിൽപം മുഹറഖിൽ എവിടെയെങ്കിലും തന്നെ മാറ്റി സ്​ഥാപിക്കണം. കാരണം അതിന്​ ജനങ്ങളുടെ മനസിൽ അത്രയും സ്​ഥാനമുണ്ടെന്നും അദ്ദേഹം കൂട്ടിച്ചേർത്തു.