സമുദ്രത്തെ പ്ലാസ്​റ്റിക്​ വിമുക്തമാക്കൽ:  യു.എൻ ആഹ്വാനം ഏറ്റെടുത്ത്​ ബഹ്​റൈൻ

മനാമ: സമുദ്രത്തെ പ്ലാസ്​റ്റിക്ക്​ മാലിന്യങ്ങളിൽനിന്നും വിമുക്തമാക്കാനുള്ള യു.എൻ ആഹ്വാനം ഏറ്റെടുത്ത 40 രാജ്യങ്ങൾക്കൊപ്പം ബഹ്​റൈനും.  മാലിന്യങ്ങളിൽ നിന്നും സമുദ്ര സംരക്ഷണത്തിനായുള കഠിനപോരാട്ടത്തിലാണ്​ പവിഴദ്വീപും. ആഗോള പരിസ്ഥിതി സംരക്ഷണ ദിനത്തിൽ ഇതി​​​െൻറ വിലയിരുത്തലും ഗവൺമ​​െൻറ്​ തലത്തിൽ ഉണ്ടാകും.  പ്ലാസ്​റ്റികിൽ നിന്നും സമുദ്രത്തെ സംരക്ഷിക്കാനുള്ള ഉടമ്പടിയിൽ യു.എന്നുമായി സുപ്രീം കൗൺസിൽ ഫോർ എൻവയോൺമ​​െൻറ്​ ചീഫ് എക്സിക്യൂട്ടീവ് ഡോ. മുഹമ്മദ് മുബാറക് ബിൻ ദൈന മാസങ്ങൾക്കുമു​മ്പ്​ ഒപ്പുവെച്ചിരുന്നു.

രാജ്യത്തെ ആറ്​ സമുദ്ര ഭാഗങ്ങളെ പ്രത്യേകം സംരക്ഷിക്കാന​ുള്ള പദ്ധതിയും ബഹ്​​ൈറൻ അടുത്തിടെ  പ്രഖ്യാപിച്ചിരുന്നു. രാജ്യത്തെ കടലുകൾ അത്യപൂർവ്വമായ മത്​സ്യ, ജൈവിക സമ്പത്തുകളാലും ദേശാടനപക്ഷികളുടെ ഇടത്താവളങ്ങൾ എന്ന നിലയിലും ആഗോള തലത്തിൽ ശ്രദ്ധേയമാണ്​. സുപ്രീം കൗൺസിൽ ​േഫാർ എൻവിറോൺമ​​െൻറി​ (എസ്​.സി.ഇ)​​​െൻറ അഭിമുഖ്യത്തിൽ സമുദ്രസമ്പത്ത്​ സംരക്ഷിക്കാനുള്ള രൂപരേഖക്ക്​ ഗവൺമ​​െൻറ്​ തലത്തിൽ രൂപരേഖ തയ്യാറാക്കുന്നുമുണ്ട്​.

അതേസമയം പരിസ്ഥിതിയുടെ നിലനിൽപ്പിന്​ വേണ്ടിയുള്ള പ്രവർത്തനങ്ങളിൽ ഏർപ്പെടാനും ഒപ്പം പ്ലാസ്​റ്റിക്​ മലിനീകരണത്തിനെതിരെ തങ്ങളാൽ കഴിയുന്നത്​ ചെയ്യാൻ ജനങ്ങൾ തയ്യാറാകണമെന്ന്​ പരിസ്ഥിതി ദിനത്തി​​​െൻറ പശ്​ചാത്തലത്തിൽ വിദഗ്​ധർ അഭിപ്രായപ്പെടുന്നു.  പരിസ്ഥിതി സംരക്ഷണത്തിന്​ വീടുകളിൽ നിന്നു തന്നെ ധാരാളം കാര്യങ്ങൾ ചെയ്യാൻ കഴിയുമെന്നും ഇൗ രംഗത്തുള്ളവർ പറയുന്നു.  ഗാർഹിക ഉപഭോഗത്തിനുശേഷം പ്ലാസ്​റ്റിക്​ ഉപേക്ഷിച്ചാൽ അവ മണ്ണിൽ അടിഞ്ഞുകൂടുന്നു.

മണ്ണി​​​െൻറ ഗുണഗണങ്ങൾക്കും അത്​ വലിയ​ ദോഷങ്ങളുണ്ടാക്കുന്നു.  അത്​ കത്തിച്ചാൽ ഉണ്ടാകുന്ന കാർബൺ ഡൈ ഒാക്​സയിഡ്​ കൂടുതൽ ദൂഷ്യം ഉണ്ടാക്കുന്നു. അതേസമയം ബഹ്​റൈൻ പോലുള്ള ദ്വീപുകളിൽ നിന്നുള്ള പ്ലാസ്​റ്റിക്​ മാലിന്യങ്ങൾ ഒഴുകി കടലിലേക്ക്​ പോകുകയും കടലിന്​ ദോഷകരമായി മാറുകയും ചെയ്യുന്നു. ഗൾഫ്​ മേഖലയിലെ വൻതോതിലുള്ള കടൽ മലിനീകരണത്തി​​​െൻറ വിപത്തുകളെ കുറിച്ച്​ യുണൈറ്റഡ് നേഷൻസ് എൻവയോൺമ​​െൻറ്​ പ്രോഗ്രാം എക്സിക്യുട്ടീവ് ഡയറക്ടർ എറിക് സോളിഹാം അടുത്തിടെയും മുന്നറിയിപ്പ്​ നൽകിയിരുന്നു. 

സമുദ്രം ശുചിയാക്കുന്നതി​​​െൻറ ഭാഗമായുള്ള ‘യുനെപി’​​​െൻറ പദ്ധതിയിൽ ബഹ്​റൈൻ ചേരുന്നതി​​​െൻറ ഉടമ്പടി പത്രത്തി​​​െൻറ ഒപ്പിടലിനായി അടുത്തിടെ എത്തിയപ്പോഴാണ്​ അദ്ദേഹം കടലിൽ എത്തുന്ന പ്ലാസ്​റ്റിക്കി​​​െൻറ ആധിക്യത്തെ കുറിച്ച്​ ഒാർമിപ്പിച്ചത്​. പ്രകൃതിക്ക്​ ദോഷകരമായ പ്ലാസ്​റ്റിക്കി​​​െൻറ വ്യാപനത്തിനെതിരെ കൂടുതൽ ജാഗ്രത പാലിക്കണമെന്ന്​ ഇൗ രംഗത്ത്​ പഠനങ്ങൾ നടത്തുന്ന ബഹ്​റൈനിലെ മലയാളി വി വിനൂപ് കുമാർ ‘ഗൾഫ്​ മാധ്യമ’ത്തോട്​ പറഞ്ഞു.