മനാമ: എന്ഡുറന്സ് വില്ലേജില് നടന്ന കിങ് ഹമദ് കുതിരപ്പന്തയം കാണാന് യു.എ.ഇ വൈസ് പ്രസിഡൻറും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാഷിദ് ആല് മക്തും, ദുബൈ കിരീടാവകാശി ശൈഖ് ഹംദാന് ബിന് മുഹമ്മദ് ബിന് റാഷിദ് ആല്മക്തും എന്നിവരെത്തി. രാജാവ് ഹമദ് ബിന് ഈസ ആല്ഖലീഫ ഇരുവരെയും സ്വീകരിക്കുകയും സന്തോഷം പങ്കിടുകയും ചെയ്തു. 120 കിലോ മീറ്റര് പന്തയത്തില് ഏറ്റവും വേഗത കൂടിയ കുതിരയെ തെരഞ്ഞെടുക്കാനുള്ളതായിരുന്നു മല്സരം. ഗള്ഫ് ഫിനാന്സ് ഹൗസിെൻറ രക്ഷാധികാരത്തില് നടന്ന കിങ് ഹമദ് എന്ഡുറന്സ് ട്രോഫിക്ക് വേണ്ടിയുള്ള മല്സരത്തില് വിജയിച്ചവര്ക്ക് അദ്ദേഹം ആശംസകള് നേര്ന്നു. യുവജന-ചാരിറ്റി കാര്യങ്ങള്ക്കായുള്ള ഹമദ് രാജാവിെൻറ പ്രതിനിധി ശൈഖ് നാസിര് ബിന് ഹമദ് ആല്ഖലീഫ, റോയല് കോര്ട്ട് കാര്യ മന്ത്രി ശൈഖ് ഖാലിദ് ബിന് അഹ്മദ് ആല്ഖലീഫ, റോയല് എന്ഡുറന്സ് യൂണിയന് ചെയര്മാന് ശൈഖ് ഫൈസല് ബിന് റാഷിദ് ആല് ഖലീഫ എന്നിവരും സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.