മനാമ: കാപിറ്റല്‍ പൊലീസ് ഡയറക്ടറേറ്റിന് കീഴില്‍ ജുഫൈര്‍ പ്രദേശത്ത് ബോധവത്കരണ പരിപാടി സംഘടിപ്പിച്ചു. സാമൂ ഹിക പ്രതിബദ്ധത ശക്തിപ്പെടുത്തുന്നതിെൻറ ഭാഗമായായിരുന്നു ബോധവത്കരണ പരിപാടി.
കുട്ടികളുമായി ഇടപെടേണ്ട രീതികള്‍, പൊതു മുതല്‍ സംരക്ഷിക്കുന്നതിനുള്ള പ്രാധാന്യം, വീടും വാഹനങ്ങളും മോഷ്ടാക്കളില് നിന്നും സുരക്ഷിതമാക്കേണ്ട രീതികള്‍, ഇൻറര്‍നെറ്റിെൻറ അപകടങ്ങള്‍, പോഷകാഹാരത്തിെൻറ പ്രാധാന്യം, പുകവലിയുടെ ദൂഷ്യഫലങ്ങള്‍ തുടങ്ങിയവയെക്കുറിച്ച് പൊതുജനങ്ങളെ ബോധവത്കരിക്കുന്നതിന് പ്രത്യേക ടീമുകള്‍ രംഗത്തിറങ്ങിയിരുന്നു.
വാഹനങ്ങളില്‍ യാത്രചെയ്യുന്നവര്‍ക്കും കാല്‍നട യാത്രക്കാര്‍ക്കും ബോധവത്കരണ സന്ദേശമുള്‍ക്കൊള്ളുന്ന ലഘുലേഖകള്‍ പൊലീസ് ഉദ്യോഗസ്ഥര്‍ വിതരണം ചെയ്തു. പൊതുജനങ്ങളില്‍ നിന്ന് നല്ല പ്രതികരണമാണ് ബോധവത്കരണത്തിന് ലഭിച്ചതെന്ന് അധികൃതര്‍ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.