പവിഴദ്വീപിലെ കോഴിക്കോട്ടുകാർ സംഘടിപ്പിച്ച ‘കാലിക്കറ്റ് വൈബ്സ്’ പരിപാടിയിൽനിന്ന്
മനാമ: ബഹ്റൈനിലെ കോഴിക്കോട്ടുകാരുടെ ജനകീയ കൂട്ടായ്മയായ പവിഴദ്വീപിലെ കോഴിക്കോട്ടുകാർ (കാലിക്കറ്റ് കമ്യൂണിറ്റി ബഹ്റൈൻ) പവിഴ ദ്വീപിലെ കോഴിക്കോട്ടുകാർക്കായി ‘കാലിക്കറ്റ് വൈബ്സ്’ എന്ന പേരിൽ മനാമ ഗാർഡനിൽ സൗഹൃദസംഗമം സംഘടിപ്പിച്ചു.
ഒന്നിച്ചിരുന്നും, തമാശകൾ പറഞ്ഞും, പാട്ട് പാടിയും നൃത്തം ചെയ്തും ഒത്തുചേരൽ വർണാഭമായി. കുട്ടികൾക്കും മുതിർന്നവർക്കുമായി സംഘടിപ്പിച്ച നിരവധി വിനോദ മത്സരങ്ങളും ‘കാലിക്കറ്റ് വൈബ്സ്’ എന്ന പേരിൽ ഒരുക്കിയ വ്യത്യസ്തമായ സായാഹ്നത്തിന് മാറ്റുകൂട്ടി. പവിഴദ്വീപിലെ കോഴിക്കോട്ടുകാരായ നിരവധി പേർ പരിപാടിയിൽ പങ്കെടുത്തു.
പവിഴ ദ്വീപിലെ കോഴിക്കോട്ടുകാർ രക്ഷാധികാരി കെ. ജനാർദനൻ ഉദ്ഘാടനം ചെയ്തു. പ്രസിഡന്റ് ശിവകുമാർ കൊല്ലറോത്ത് അധ്യക്ഷത വഹിച്ചു.
ജനറൽ സെക്രട്ടറി പ്രജി ചേവായൂർ സ്വാഗതവും, ട്രഷറർ മുസ്തഫ കുന്നുമ്മൽ നന്ദിയും പ്രകാശിപ്പിച്ചു. പവിഴദ്വീപിലെ കോഴിക്കോട്ടുകാർ ഭാരവാഹികൾ, എക്സിക്യൂട്ടിവ് കമ്മിറ്റി അംഗങ്ങൾ, വനിതവിഭാഗം പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.