വീ​ണ്ടും ച​ർ​ച്ച​ക​ളി​ൽ ഇ​ടം നേ​ടി ബ​ഹ്റൈ​ൻ- ഖ​ത്ത​ർ കോ​സ്‌​വേ

മ​നാ​മ: ബ​ഹ്റൈ​നും ഖ​ത്ത​റും ത​മ്മി​ലു​ള്ള ക​ര​ബ​ന്ധ​ത്തി​നാ​യി നി​ർ​ദേ​ശി​ക്ക​പ്പെ​ട്ട 40 കി​ലോ​മീ​റ്റ​ർ കോ​സ്‌​വേ​യെ​ക്കു​റി​ച്ച് വീ​ണ്ടും ച​ർ​ച്ച​ചെ​യ്ത് ഇ​രു രാ​ജ്യ​ങ്ങ​ളു​ടെ​യും പ്ര​തി​നി​ധി​ക​ൾ.ബ​ഹ്റൈ​ൻ ഗ​താ​ഗ​ത, ടെ​ലി​ക​മ്യൂ​ണി​ക്കേ​ഷ​ൻ മ​ന്ത്രി ഡോ. ​ശൈ​ഖ് അ​ബ്ദു​ല്ല ബി​ൻ അ​ഹ​മ്മ​ദ് ആ​ൽ ഖ​ലീ​ഫ, ഖ​ത്ത​ർ ഗ​താ​ഗ​ത മ​ന്ത്രി ശൈ​ഖ് മു​ഹ​മ്മ​ദ് ബി​ൻ അ​ബ്ദു​ല്ല ആ​ൽ​ഥാ​നി​യും ത​മ്മി​ൽ ന​ട​ന്ന കൂ​ടി​ക്കാ​ഴ്ച​ക്കി​ടെ​യാ​ണ് വി​ഷ​യം ച​ർ​ച്ച​ചെ​യ്ത​ത്.

രാ​ജ്യ​ങ്ങ​ൾ ത​മ്മി​ലു​ള്ള സാ​മ്പ​ത്തി​ക, നി​ക്ഷേ​പ സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നു​ള്ള അ​വ​സ​ര​ങ്ങ​ൾ പ​ര്യ​വേ​ക്ഷ​ണം​ചെ​യ്യു​ക, ക​ര ഗ​താ​ഗ​തം, റെ​യി​ൽ​വേ, സ​മു​ദ്ര നാ​വി​ഗേ​ഷ​ൻ, സി​വി​ൽ വ്യോ​മ​യാ​നം എ​ന്നി​വ​യി​ലെ സാ​ങ്കേ​തി​ക വൈ​ദ​ഗ്ധ്യം കൈ​മാ​റു​ക എ​ന്നി​വ​യാ​ണ് കൂ​ടി​ക്കാ​ഴ്ച​യു​ടെ ല​ക്ഷ്യം. സു​സ്ഥി​ര വി​ക​സ​നം പ്രോ​ത്സാ​ഹി​പ്പി​ക്കു​ന്ന​തി​നും ആ​ളു​ക​ളു​ടെ​യും ച​ര​ക്കു​ക​ളു​ടെ​യും ച​ല​നം സു​ഗ​മ​മാ​ക്കു​ന്ന​തി​നും മേ​ഖ​ല​യി​ലു​ട​നീ​ളം വ്യാ​പാ​രം, ടൂ​റി​സം, ലോ​ജി​സ്റ്റി​ക്‌​സ് എ​ന്നി​വ മെ​ച്ച​പ്പെ​ടു​ത്തു​ന്ന​തി​നു​മാ​ണ് കോ​സ് വേ ​പ​ദ്ധ​തി ആ​വി​ഷ്ക​രി​ച്ചി​രു​ന്ന​ത്. അ​തു​വ​ഴി ബ​ഹ്റൈ​നും ഖ​ത്ത​റും ത​മ്മി​ലു​ള്ള ആ​ഴ​ത്തി​ലു​ള്ള സാ​മ്പ​ത്തി​ക സാം​സ്കാ​രി​ക ബ​ന്ധ​ങ്ങ​ൾ ശ​ക്തി​പ്പെ​ടു​മെ​ന്നാ​ണ് വി​ല​യി​രു​ത്തു​ന്ന​ത്.

ഏ​ക​ദേ​ശം 40 കി​ലോ​മീ​റ്റ​ർ (25 മൈ​ൽ) നീ​ള​മാ​ണ് ഈ ​പാ​ല​ത്തി​ന് നി​ർ​ദേ​ശി​ച്ചി​ട്ടു​ള്ള​ത്. റോ​ഡ്, റെ​യി​ൽ ഗ​താ​ഗ​ത​ത്തി​നാ​യി രൂ​പ​ക​ൽ​പ​ന ചെ​യ്ത​താ​ണ് ഈ ​പാ​ലം. പാ​ലം യാ​ഥാ​ർ​ഥ്യ​മാ​യാ​ൽ നി​ല​വി​ൽ അ​ഞ്ച് മ​ണി​ക്കൂ​റി​ല​ധി​കം എ​ടു​ക്കു​ന്ന യാ​ത്രാ​സ​മ​യം ഏ​ക​ദേ​ശം 30 മി​നി​റ്റാ​യി കു​റ​യും. ഇ​ത് ഇ​രു രാ​ജ്യ​ങ്ങ​ൾ​ക്കു​മി​ട​യി​ലു​ള്ള വ്യാ​പാ​രം, വി​നോ​ദ​സ​ഞ്ചാ​രം, ജ​ന​ങ്ങ​ൾ ത​മ്മി​ലു​ള്ള ബ​ന്ധം എ​ന്നി​വ​ക്ക് വ​ലി​യ ഉ​ത്തേ​ജ​നം ന​ൽ​കും. ഖ​ത്ത​റി​ലെ റാ​സ് എ​ഷാ​യി​രി​ജും ബ​ഹ്‌​റൈ​നി​ലെ കി​ഴ​ക്ക​ൻ തീ​ര​വും ത​മ്മി​ലാ​ണ് ഈ ​പാ​ലം ബ​ന്ധി​പ്പി​ക്കു​ക. സൗ​ദി അ​റേ​ബ്യ​യെ​യും ബ​ഹ്‌​റൈ​നെ​യും ബ​ന്ധി​പ്പി​ക്കു​ന്ന കി​ങ് ഫ​ഹ​ദ് കോ​സ്‌​വേ നി​ല​വി​ലു​ള്ള​തി​നാ​ൽ അ​തു​വ​ഴി മു​ഴു​വ​ൻ മേ​ഖ​ല​യെ​യും ഇ​ത് ബ​ന്ധി​പ്പി​ക്കും.

വ​ർ​ഷ​ങ്ങ​ൾ​ക്ക് മു​മ്പു​ത​ന്നെ ഈ ​പ​ദ്ധ​തി ച​ർ​ച്ച​യി​ലു​ണ്ടാ​യി​രു​ന്നെ​ങ്കി​ലും, 2017ലെ ​ഗ​ൾ​ഫ് പ്ര​തി​സ​ന്ധി​യെ തു​ട​ർ​ന്ന് ഇ​ത് നി​ല​ച്ചു​പോ​യി​രു​ന്നു. എ​ന്നാ​ൽ, ഖ​ത്ത​റും ബ​ഹ്‌​റൈ​നും ത​മ്മി​ലു​ള്ള ന​യ​ത​ന്ത്ര​ബ​ന്ധം പു​നഃ​സ്ഥാ​പി​ച്ച​തോ​ടെ​യാ​ണ് ച​ർ​ച്ച വീ​ണ്ടും സ​ജീ​വ​മാ​യി തു​ട​ങ്ങി​യ​ത്. ഈ ​പ​ദ്ധ​തി യാ​ഥാ​ർ​ഥ്യ​മാ​വു​ക​യാ​ണെ​ങ്കി​ൽ, ലോ​ക​ത്തി​ലെ ഏ​റ്റ​വും നീ​ള​മേ​റി​യ സ്ഥി​ര​മാ​യ കോ​സ്‌​വേ​ക​ളി​ൽ ഒ​ന്നാ​യി ഇ​ത് മാ​റും.