മനാമ: ‘ബഹ്റൈന്‍ ബെ’ പദ്ധതിയിലെ നിര്‍മാണ പ്രവര്‍ത്തനങ്ങള്‍ ഉപപ്രധാനമന്ത്രിയും ‘ഡെവലപ്മെൻറ് ആൻറ് ഇന്‍ഫ് രാസ്ട്രക്ചര്‍ മിനിസ്റ്റീരിയല്‍ കമ്മിറ്റി’ ചെയര്‍മാനുമായ ശൈഖ് ഖാലിദ് ബിന്‍ അബ്ദുല്ല ആല്‍ ഖലീഫയും സംഘവും കഴിഞ്ഞ ദിവസം വിലയിരുത്തി. മനാമ വടക്കു ഭാഗത്തുള്ള സമുദ്ര തീരത്താണ് പദ്ധതി പുരോഗമിക്കുന്നത്. നിക്ഷേപകരുടെ വിശ്വാസം ആര്‍ജിക്കുന്നതിനും രാജ്യത്തിെൻറ വികസനം സാധ്യമാക്കുന്നതിനും പദ്ധതി വഴി സാധിക്കുമെന്ന് അദ്ദേഹം പറഞ്ഞു. സ്വകാര്യ മേഖല രാജ്യത്തിെൻറ വളര്‍ച്ചയിലും വികസനത്തിലും വലിയ പങ്കാണ് വഹിക്കുന്നത്.
മേഖലയിലെയും അന്താരാഷ്ട്ര തലത്തിലെയും നിക്ഷേപകരെ ആകര്‍ഷിക്കുന്നതിന് മുഖ്യ പരിഗണനയാണ് സര്‍ക്കാര്‍ നല്‍കുന്നതെന്നും അദ്ദേഹം കൂട്ടിച്ചേർത്തു. ഉപപ്രധാനമന്ത്രിയോടൊപ്പം പൊതുമരാമത്ത്-മുനിസിപ്പല്‍-നഗരാസൂത്രണകാര്യ മന്ത്രി ഇസാം ബിന്‍ അബ്ദുല്ല ഖലഫ്, ‘അര്‍കാപിറ്റ’ ഗ്രൂപ്പ് ചീഫ് എക്സിക്യൂട്ടീവ് ആതിഫ് അഹ്മദ് അബ്ദുല്‍ മലിക് എന്നിവരുമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.