മറ്റുള്ളവരെ ബഹുമാനിക്കുകയും പരിഗണിക്കുകയും ചെയ്യേണ്ടതിെൻറ പ്രാധാന്യത്തെ കുറിച്ചാണ് ഇൗ പുസ്തകത്തിലെ ര ചനകൾ ഉണർത്തുന്നത്
മനാമ: അന്ധതയെ തോൽപ്പിച്ച് ആ കുരുന്ന് രചിച്ച കഥാപുസ്തകം പ്രിയപ്പെട്ടവരുടെ സാന്നിധ് യത്തിൽ മന്ത്രി ഏറ്റുവാങ്ങിയപ്പോൾ കണ്ടുനിന്നവരുെട കണ്ണ് നിറഞ്ഞു. അൽ ഒറുബ പ്രൈമറി ഗേൾസ് സ്കൂൾ വിദ്യാർഥിനി മുനീറ ജാസിം അൽ ഷുമാലി എഴുതിയ പുസ്തകമാണ് വിദ്യാഭ്യാസ മന്ത്രി ഡോ.മജീദ് ബിൻ അലി അൽ നുെഎമി ഏറ്റുവാങ്ങിയത്.
മറ്റുള്ളവരെ ബഹുമാനിക്കുകയും പരിഗണിക്കുകയും ചെയ്യേണ്ടതിെൻറ പ്രാധാന്യത്തെ കുറിച്ചാണ് ഇൗ പുസ്തകത്തിലെ രചനകൾ ഉണർത്തുന്നത്. പ്രത്യേകിച്ച് പ്രായം ചെന്നവരോടുള്ള സമീപനത്തെയും അവരെ പരിചരിക്കേണ്ടതിനെയും കുറിച്ച്. മുനീറയുടെ നൻമയുള്ള ചെറുകഥകളെ കുറിച്ച് മന്ത്രി എടുത്തുപറയുകയും കുട്ടി തെൻറ വൈകല്ല്യത്തെ മറികടന്ന് ഇത്തരമൊരു കൃതി രചിച്ചതിനെ അഭിനന്ദിക്കുകയും ചെയ്തു.
ക്ലാസ് മുറിക്ക് അപ്പുറമുള്ള അഭിരുചിക്കും സാഹിത്യ വാസനക്കും തെളിവാണ് ഇൗ പുസ്തകം. ഭാവിയിൽ മുനീറക്ക് കൂടുതൽ നേട്ടങ്ങൾ ഉണ്ടാക്കാൻ സാധിക്കേട്ടയെന്നും അദ്ദേഹം ആശംസിച്ചു. ഭിന്നശേഷിക്കാർ ഉൾപ്പെടെയുള്ള വിദ്യാർഥികളുടെ കഴിവിനും സർഗാത്മകതക്കും പ്രോത്സാഹനം നൽകുന്ന നയങ്ങളാണ് വിദ്യാഭ്യാസ മന്ത്രാലയത്തിനുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.