മനാമ: ലോക സാഹിത്യചരിതത്തിൽ ഇടിമിന്നലുകൾ സൃഷ്ടിച്ച ‘മാക്സിം ഗോർക്കി’യുടെ വിശ്രുത നോവൽ ‘അമ്മ’യുടെ നാടകാ വിഷ്ക്കാരാവതരണം വെള്ളിയാഴ്ച പ്രതിഭ ബഹ്റൈെൻറ നേതൃത്വത്തിൽ ബഹ്റൈൻ കേരളീയ സമാജത്തിൽ നടക്കും. നാടകാവിഷ് ക്കാരത്തിനായി സംവിധായകൻ പി.എൻ. മോഹൻരാജിെൻറ നേതൃത്വത്തിലുള്ള നൂറോളംപേർ രാപ്പകലില്ലാതെ അദ്ധ്വാനത്തിലാണ് . പ്രതിഭ ആഫീസിലാണ് റിഹേഴ്സൽ ക്യാമ്പ് ഒരുക്കിയിരിക്കുന്നത്. നാൽപ്പതോളം കഥാപാത്രങ്ങളാണ് നാടകത്തിലുള്ളത്.
1902ൽ നീഷ്നിയ്നോവ്ഗൊറോദിന്റെ പ്രാന്തപ്രദേശത്തുള്ള സോർമോവോ എന്ന തൊഴിലാളികേന്ദ്രത്തിൽ നടന്ന മേയ് ദിനപ്രകടനവും തുടർന്നുള്ള വിചാരണയും ചരിത്ര പ്രാധാന്യമേറിയ സംഭവങ്ങളാണ്. ആ സംഭവത്തിൽ മാക്സിം ഗോർക്കിയുടെ സുഹൃത്തുക്കളോ പരിചയക്കാരോ ഉൾപ്പെട്ടിരുന്നു. ഗോർക്കിയുടെ സുഹൃത്ത് പ്യോത്തർ സലോമോവും സലോമോവിന്റെ അമ്മ അന്ന കിരീലോവ്നയുമാണ് നോവലിെൻറ കേന്ദ്രകഥാപാത്രങ്ങളായ പാവേൽ വ്ലാസോവും അമ്മ പിലഗേയ നീലോവ്നയും ആയി രൂപാന്തരപ്പെട്ടത്.
നാടകവും മുന്നോട്ട് വക്കുന്നത് ഇൗ കഥാപാത്രങ്ങളിലൂടെയുള്ള ആ കാലത്തിെൻറ ജീവിതമാണ്. പ്രക്ഷുബ്ദമായ ഒരു കാലഘട്ടത്തിൽ അടിമ ജീവിതം നയിക്കുന്ന മാനവ സമൂഹം നടത്തുന്ന ചെറുത്തുനിൽപ്പുകളും അതിൽനിന്ന് പാറിയ തീപ്പൊരികൾ മാറ്റത്തിന് കാരണമാക്കിയതുമാണ് നാടകത്തിെൻയും ഇതിവൃത്തം. സാംകുട്ടി പട്ടങ്കരിയാണ് രചന നിർവ്വഹിച്ചിരിക്കുന്നത്. ബഹ്റൈനിലെ നാടക പ്രേമികൾക്കായി വെള്ളിയാഴ്ച വൈകിട്ട് ഏഴിന് കേരളീയ സമാജത്തിൽ അവതരണം നടക്കും. ടിക്കറ്റ് വച്ചാണ് പ്രവേശനം നിയന്ത്രിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.