മനാമ: ഈദ് അവധി ദിനങ്ങളിലെ ആശുപത്രി, ഹെൽത്ത് സെൻറര്‍ പ്രവര്‍ത്തന സമയം ക്രമീകരിച്ച് ആരോഗ്യ മന്ത്രാലയം ഉത്തര വിറക്കി. സല്‍മാനിയ മെഡിക്കല്‍ സെൻററിലെ അത്യാഹിത വിഭാഗം 24 മണിക്കൂറും പ്രവര്‍ത്തിക്കും. രോഗികളുടെ സന്ദര്‍ശന സമയം വൈകിട്ട് നാല് മുതല്‍ എട്ടു വരെ. ഐസലോറ്റഡ് വാര്‍ഡിലും ഐ.സി.യുവിലെയും രോഗികളുടെ സന്ദര്‍ശന സമയം വൈകിട്ട് അഞ്ച് മുതല്‍ ഏഴ് വരെ.
ഇന്‍പേഷ്യൻറ് ഫാര്‍മസി 24 മണിക്കൂറും പ്രവര്‍ത്തിക്കും. ഹെൽത്ത് സെൻററുകളിലെയും ഒൗട്ട് പേഷ്യൻറ് വിഭാഗങ്ങളിലെയും ഫാര്‍മസികള്‍ ഈദ് അവധി ദിനങ്ങളില്‍ അടഞ്ഞു കിടക്കും. ഉത്തര മുഹറഖ് ഹെൽത്ത് സെൻറർ, റിഫ ഹമദ് കാനൂ സെൻറര്‍, ഈസ ടൗണ്‍ യൂസുഫ് അബ്ദുറഹ്മാന്‍ കാനൂ എഞ്ചിനീയര്‍ ഹെൽത്ത് സെൻറര്‍ എന്നിവ 24 മണിക്കൂറും പ്രവര്‍ത്തിക്കും. നഈം ഹെൽത്ത് സെൻറര്‍, ഹമദ് ടൗണ്‍ റൗണ്ട് എബൗട്ട് 17 ലെ മുഹമ്മദ് ജാസിം കാനൂ ഹെല്‍ത് സെൻറര്‍, ബാര്‍ബാർ ശൈഖ് ജാബിര്‍ അസ്സബാഹ് ഹെല്‍ത് സെൻറര്‍, സിത്ര ഹെല്‍ത് സെന്‍റര്‍ എന്നിവ രാവിലെ എട്ട് മുതല്‍ ഉച്ചക്ക് ഒന്ന് വരെയും വൈകിട്ട് നാല് മുതല്‍ രാത്രി 12 വരെയും പ്രവര്‍ത്തിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.