മനാമ: ഇന്ത്യൻ എംബസിയുടെ ആഭിമുഖ്യത്തിൽ ഇന്ത്യൻ കമ്മ്യൂണിറ്റി റിലീഫ് ഫണ്ട് (ഐ.സി.ആർ.എഫ്) സംഘടിപ്പിക്കുന്ന ഈ വർഷത ്തെ ചിത്രരചനാമേള ^‘സ്പെക്ട്ര 2018’ ഇന്ന് ഇൻറർനാഷനൽ എക്സിബിഷൻ സെൻററിൽ നടക്കും. വിദ്യാർഥികളുടെ കലാപരമായ കഴിവു കൾ പ്രോത്സാഹിപ്പിക്കുന്നതിനായി ഐ.സി.ആർ.എഫ് നടത്തുന്ന പത്താമത്തെ കലാകാർണിവലാണിത്. ബഹ്റൈനിലെ വിവിധ സ്കൂളുകളിൽ നിന്നുള്ള 5000ത്തോളം കുട്ടികളാണ് പ്രാഥമിക റൗണ്ടുകളിൽ മത്സരിച്ചത്. 2009 ലാണ് െഎ.സി.ആർ.എഫ് വിദ്യാർഥികൾക്കായി ചിത്രരചനമത്സരത്തിന് തുടക്കമിട്ടത്.
എട്ടുവയസ് മുതൽ 11 വരെ, 11 മുതൽ 14 വരെ, 14 മുതൽ 18 വരെ പ്രായമുള്ളവരെ നാലു ഗ്രൂപ്പ്‌ ആയി തരം തിരിച്ചാണ് മത്സരം. ഈ വർഷം മുതിർന്നവർക്കായുള്ള മത്സരവും സംഘടപ്പിക്കുന്നുണ്ട്. കാലത്ത് എട്ടുമണിക്കാണ് ഉദ്ഘാടനം. കുട്ടികൾ ചിത്രരചനയിൽ മുഴുകുന്ന സമയത്ത് അവർക്കൊപ്പം വരുന്ന രക്ഷിതാക്കൾക്കും സഹോദരങ്ങൾക്കുമായി വിവിധ പരിപാടികൾ സംഘടിപ്പിക്കുന്നുണ്ട്. ‘സ്പെക്ട്ര’യുടെ 10ാം വാർഷികം പ്രമാണിച്ച് ഇന്ത്യൻ സാംസ്കാരിക ദിനാചരണം നടത്തുമെന്നും ഭാരവാഹികൾ പറഞ്ഞു. ഇതിൽ നാടോടി നൃത്തം, സാംസ്കാരിക പരിപാടികൾ, വസ്ത്ര^ആഭരണ പ്രദർശനം, പ്രചോദന പ്രഭാഷണങ്ങൾ, ഭക്ഷ്യമേള എന്നിവ ഉൾപ്പെടുത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.