മനാമ: ബഹ്റൈനിലെ ഇന്ത്യൻ പ്രവാസി സമൂഹം ദീപാവലി ആഘോഷിച്ചു. ഉത്തരേന്ത്യൻ പ്രവാസികളുടെ ഏറ്റവും വലിയ ആഘോഷമായ ദീപാവലി പ്രമാണിച്ച് ബഹ്റൈനിലെ ഹൈപ്പർമാർക്കറ്റുകളിൽ ഉൾപ്പെടെ മധുരപലഹാരങ്ങളുടെ പ്രത്യേക ശേഖരം എത്തിയിരുന്നു. ഇന്നലെ വിവിധ ക്ഷേത്രങ്ങളിലും തിരക്ക് അനുഭവപ്പെട്ടിരുന്നു. ക്ഷേത്രദർശനം നടത്തിയും മധുരപലഹാര വിതരണം നടത്തിയും ദീപാവലി ആഘോഷത്തിൽ പ്രവാസികൾ മുഴുകി.
ദീപാവലി പ്രമാണിച്ച് വിവിധ വ്യാപാര സ്ഥാപനങ്ങളിൽ ആനുകൂല്ല്യങ്ങളും വിലക്കിഴിവും പ്രഖ്യാപിച്ചിരുന്നു. ഉത്തരേന്ത്യക്കാർ ദീപാവലി കാലത്ത് സ്വർണ്ണം വാങ്ങുന്ന പതിവുള്ളതിനാൽ സ്വർണ്ണക്കടകളിൽ മികച്ച കച്ചവടം നടന്നു.
ആകർഷണീയമായ ആനുകൂല്ല്യങ്ങളും വിലക്കിഴിവുകളും സ്വർണ്ണക്കടകൾ പ്രഖ്യാപിച്ചിരുന്നു. ദീപാവലി പ്രമാണിച്ച് ഇന്നലെ അറാദ് അയ്യപ്പ ക്ഷേത്രത്തിൽ വൈകിട്ട് വിശേഷാൽ പൂജ നടന്നു. ഭജന, പൂജ, മഹാപ്രസാദം എന്നിവയും നടന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.