മനാമ: കെ. എം.സി.സി കൊയിലാണ്ടി മണ്ഡലം പ്രവർത്തക കൺവൻഷൻ സംഘടിപ്പിച്ചു. കൺവൻഷനിൽ നവംബർ 16 ന് ഈസ ടൗൺ ഇന്ത്യൻ സ്കൂൾ ഗ്രൗണ്ടിൽ നടക്കുന്ന ചന്ദ്രികോൽസവം വിജയിപ്പിക്കാനാവശ്യമായ പ്രവർത്തനങ്ങൾക്ക് രംഗത്തിറങ്ങാൻ കൺവൻഷൻ ആഹ്വാനം ചെയ്തു. പ്രവാസി വോട്ട് ചേർക്കാനാവശ്യമായ പ്രവർത്തനങ്ങൾക്ക് കൺവൻഷൻ രൂപം നൽകി. മനാമ കെ.എം.സി.സി ഓഫീസിൽ നടന്ന പരിപാടി സംസ്ഥാന പ്രസിഡൻറ് എസ്.വി ജലീൽ ഉദ്ഘാടനം ചെയ്തു.
സംസ്ഥാന വൈസ് പ്രസിഡൻറ് ടിപി മുഹമ്മദ് അലി, കോഴിക്കോട് ജില്ലാ പ്രസിഡൻറ് ഏപി ഫൈസൽ, ജനറൽ സെക്രട്ടറി ഫൈസൽ കോട്ടപ്പള്ളി എന്നിവർ സംസാരിച്ചു. കൊയിലാണ്ടി മണ്ഡലം ജനറൽ സെക്രട്ടറി ലത്തീഫ് കൊയിലാണ്ടി റിപ്പോർട്ട് അവതരിപ്പിച്ചു. കൺവൻഷനിൽ മുഹമ്മദ് സൈഫുള്ള ഖാസിം മുഖ്യ പ്രഭാഷണം നടത്തി. അബ്ദുൽറഷീദ് മൊയ്ദു ഖിറാഅത്ത് നിർവഹിച്ചു. പ്രസിഡൻറ് ടി പി നൗഷാദ് അധ്യക്ഷത വഹിച്ചു. ഓർഗനൈസിംഗ് സെക്രട്ടറി സുഹൈൽ മേലടി സ്വാഗതവും സഹീർ മൂരാട് നന്ദിയും പറഞ്ഞു.പരിപാടിക്ക് ജെ പി കെ തിക്കോടി, ഹമീദ് അയനിക്കാട്, ഫൈസൽ കൊയിലാണ്ടി, ഫസലു ഓ കെ, ഹംസ കെ ഹമദ് എന്നിവർ നേതൃത്വൻ നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.