മനാമ: ഗള്ഫ് എയറില് നിന്ന് പിരിച്ചു വിട്ട ബഹ്റൈന് ജീവനക്കാരെ തിരിച്ചെടുക്കാന് എക്സിക്യൂട്ടീവ് മാനേജ്മെന്റിന് കമ്പനി എക്സിക്യൂട്ടീവ് കമ്മിറ്റി നിര്ദേശം നല്കി. ബഹ്റൈനികളായ ജീവനക്കാരുടെ അവകാശങ്ങള് സ്വദേശി തൊഴില് ശക്തി ഉപയോഗപ്പെടുത്താനും സാധിക്കണമെന്നാണ് കമ്പനിയുടെ നിലപാട്. എക്സിക്യൂട്ടീവ് മാനേജ്മെൻറിെൻറ നടപടി പുന:പ്പരിശോധിക്കാനും പിരിച്ചു വിട്ട മുഴുവന് ബഹ്റൈനി ജീവനക്കാരേയും ജോലിയില് തിരിച്ചെടുക്കാനുമാണ് കമ്പനി അംഗീകരിച്ചിട്ടുള്ളത്. കമ്പനി പ്രവര്ത്തനവുമായി ബന്ധപ്പെട്ട പുന:സംഘടന അന്താരാഷ്ട്ര വിമാനക്കമ്പനികളുടെ മാനദണ്ഡങ്ങള്ക്കനുസരിച്ച് പഠനം നടത്താനും തീരുമാനിച്ചു. കമ്പനി പ്രവര്ത്തനം മെച്ചപ്പെടുത്താന് സ്വീകരിച്ചിട്ടുള്ള സ്ട്രാറ്റജികള് ഫലം കണ്ടതായി യോഗം വിലയിരുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.