മലയാളി സമൂഹത്തി​െൻറ സഹായധനം ഏറ്റുവാങ്ങാൻ മന്ത്രി എം.എം. മണി ബഹ്​റൈനിൽ വരുന്നു

മനാമ: ലോക കേരള സഭയുടെ നേതൃത്വത്തിൽ പ്രവാസി ബിസിനസ്​ സമൂഹത്തിൽ നിന്ന്​ ശേഖരിച്ച തുക ഏറ്റുവാങ്ങാൻ കേരള മന്ത്രി എം.എം.മണി ഇൗ മാസം 19 ന്​ ബഹ്​റൈനിൽ എത്തും. വിവിധ രാജ്യങ്ങളിലെ പ്രവാസി മലയാളി സമൂഹം ​വാഗ്​ദാനം ചെയ്​ത തുക ഏറ്റുവാങ്ങാൻ മന്ത്രിമാർ എത്തുന്നതി​​​െൻറ ഭാഗമാണ്​ മണിയുടെ സന്ദർശനവും. കേരളത്തി​​​െൻറ പുനർനിർമാണത്തിന്​ വലിയ തോതിലുള്ള സഹായമാണ്​ ഗൾഫ്​ രാജ്യങ്ങളിൽ നിന്ന്​ ലഭിച്ചത്​. സാധാരണക്കാരായ പ്രവാസികൾവരെ ഇൗ മഹായഞ്​ജത്തിൽ ഒന്നും രണ്ടും ഘട്ടങ്ങളിലായി പങ്കുചേർന്നിരുന്നു.

എന്നാൽ വലിയതോതിലുള്ള തുക കേരളത്തി​​​െൻറ അതിജീവനത്തിന്​ ആവശ്യമാണ്​ എന്നതിനാലാണ്​ ലോക കേരള സഭയും നോർക്കയും ഒത്തു​േചർന്ന്​ സഹായാഭ്യാർഥനയുമായി പ്രവാസികളായ ബിസിനസ്​ പ്രമുഖരുടെ കൂട്ടായ്​മകളിലൂടെ മുന്നോട്ടുവച്ചത്​. ഇതി​​​െൻറ ഭാഗമായി ബഹ്​റൈനിലെയും കുവൈത്തിലെയും ബിസിനസ്​ പ്രമുഖരുടെ കൂട്ടായ്​മ വിളിച്ചുകൂട്ടാനുള്ള ഗവൺമ​​െൻറി​​​െൻറ നിർദേശം ലഭിച്ചത്​ നോർക്ക റൂട്ട്​സ്​ ഡയറക്​ടറും ലോക കേരള സഭ സ്​റ്റാൻറിങ്​ കമ്മിറ്റി ഒന്ന്​ ചെയർമാനുമായ ഡോ.രവിപിള്ളക്കായിരുന്നു. സെപ്​തംബർ 20 ന്​ ഹോട്ടൽ പാർക്ക്​ റെജിസിൽ ​ബഹ്​റൈൻ കേരളീയ സമാജം പ്രസിഡൻറ്​ പി.വി രാധാകൃഷ്​ണ പിള്ള, ലോക കേരള സഭ അംഗങ്ങളായ സി.വി നാരായണൻ, രാജുകല്ലുംപുറം എന്നിവരുടെ സാന്നിധ്യത്തിൽ രവിപിളള നടത്തിയ യോഗത്തിൽ ക്ഷണിക്കപ്പെട്ട നൂറോളം മലയാളി പ്രമുഖർ സംബന്​ധിച്ചിരുന്നു. കേരളത്തെ സഹായിക്കാനും പുനർനിർമ്മാണ യഞ്​ജത്തിൽ ഭാഗമാകാനും അദ്ദേഹം നടത്തിയ അഭ്യർഥനയുടെ ഭാഗമായി ആ രാ​ത്രിയിൽ

രണ്ടുകോടി രൂപയുടെ വാഗ്​ദാനമായി എത്തിയത്​. എന്നാൽ ആകെ 10 കോടി രൂപയാണ്​ ബഹ്​റൈനിലെ മലയാളി ബിസിനസ്​ സമൂഹത്തിൽ നിന്ന്​ പ്രതീക്ഷിക്കുന്നതെന്നും അതിനുള്ള പ്രവർത്തനങ്ങൾ വരുംദിവസങ്ങളിലും തുടരുമെന്നും രവിപിള്ള പറഞ്ഞിരുന്നു. അതേസമയം 19 ന്​ നടക്കുന്ന ഫണ്ട്​ ഏറ്റുവാങ്ങൽ പരിപാടിയുടെ ഒരുക്കങ്ങൾക്ക്​ തുടക്കമായിട്ട​ുണ്ട്​. ബഹ്​റൈൻ കേരളീയ സമാജമായിരിക്കും പരിപാടിയുടെ വേദിയാകുക എന്ന്​ സമാജം പ്രസിഡൻറ്​ പി.വി.രാധാകൃഷ്​ണപിള്ള ‘ഗൾഫ്​ മാധ്യമ’ത്തോട്​ പറഞ്ഞു. കേരളത്തി​​​െൻറ ഉയിർത്തെഴുന്നേൽപ്പിനായുള്ള സഹായധന ശേഖരണത്തിന്​ കരുത്തേകാൻ വരുംദിവസങ്ങളിൽ ആലോചയോഗങ്ങൾ നടക്കുമെന്ന്​ ലോക കേരള സഭ അംഗം സി.വി നാരായണ പറഞ്ഞു.