മനാമ: സ്ത്രീകളുടെ അവകാശങ്ങള് ഉറപ്പാക്കുന്നതില് ബഹ്റൈന് മുന്നിലാണെന്ന് ശൂറ കൗണ്സില് രണ്ടാം ഉപാധ്യക്ഷ ജമീല അലി സല്മാന് വ്യക്തമാക്കി. കഴിഞ്ഞ ദിവസം നടന്ന അന്താരാഷ്ട്ര പാര്ലമെൻറ് യൂണിയന് സംഘടിപ്പിച്ച ഫോറത്തില് ബഹ്റൈന് പ്രതിനിധി സംഘത്തെ നയിച്ച് എത്തിയതായിരുന്നു അവര്. രാജ്യത്തെ ഭരണ ഘടന സ്ത്രീകളുടെ അവകാശങ്ങള് സംരക്ഷിക്കുന്നതിനാവശ്യമായ വകുപ്പുകള് ഉള്പ്പെടുത്തിയിട്ടുണ്ട്.
ശൂറ കൗണ്സില്, പാര്ലമെൻറ്, ഗവൺമെൻറ് ഒൗദ്യോഗിക അതോറിറ്റികള്, വനിതാ സുപ്രീം കൗണ്സില് എന്നിവ സ്ത്രീകളുടെ ഉന്നമനത്തിനാവശ്യമായ നിയമങ്ങളുമായി മുന്നോട്ട് പോകാന് സാധിച്ചിട്ടുണ്ട്. സുസ്ഥിര വികസന വഴിയിലെ ശക്തമായ മുന്നേറ്റമാണ് ഇത് വഴി സാധിച്ചത്. സുസ്ഥിര വികസന ലക്ഷ്യം നേടുന്നതിനും സ്ത്രീ-പുരുഷ അവസര സമത്വം കൈവരിക്കുന്നതിനും അര്ഥപൂര്ണമായ ശ്രമങ്ങളുണ്ടായിട്ടുണ്ട്. അവസര സമത്വം ഒൗദാര്യമായി കാണാതെ അവകാശമായി വകയിരുത്താന് സാധിച്ചെന്നും അവര് കൂട്ടിച്ചേര്ത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.