ബ​ഹ്റൈ​നി​ൽ മ​ഴ; ജാ​ഗ്ര​ത നി​ർ​ദേ​ശ​വു​മാ​യി അ​ധി​കൃ​ത​ർ

മ​നാ​മ: ബ​ഹ്റൈ​നി​ലെ വി​വി​ധ പ്ര​ദേ​ശ​ങ്ങ​ളി​ൽ മ​ഴ​യും ഇ​ടി​മി​ന്ന​ലും തു​ട​രു​ന്ന സാ​ഹ​ച​ര്യ​ത്തി​ൽ പൊ​തു​ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്ന് ബ​ന്ധ​പ്പെ​ട്ട അ​ധി​കാ​രി​ക​ൾ അ​ഭ്യ​ർ​ഥി​ച്ചു. രാ​ജ്യ​ത്തെ ചി​ല പ്ര​ദേ​ശ​ങ്ങ​ളി​ൽ ഇ​ന്ന​ലെ മി​ത​മാ​യ മ​ഴ​യും ഇ​ടി​മി​ന്ന​ലും അ​നു​ഭ​വ​പ്പെ​ട്ടു. രാ​ജ്യ​ത്ത് അ​സ്ഥി​ര​മാ​യ കാ​ലാ​വ​സ്ഥ തു​ട​രു​മെ​ന്ന് ഗ​താ​ഗ​ത, ടെ​ലി​ക​മ്യൂ​ണി​ക്കേ​ഷ​ൻ​സ് മ​ന്ത്രാ​ല​യ​ത്തി​ന്‍റെ കാ​ലാ​വ​സ്ഥാ വ​കു​പ്പ് പ്ര​വ​ചി​ച്ചി​ട്ടു​ണ്ട്. ഇ​ടി​മി​ന്ന​ലോ​ടു​കൂ​ടി​യ മ​ഴ​യും ചി​ല​പ്പോ​ൾ ശ​ക്ത​മാ​യ കാ​റ്റും ഉ​ണ്ടാ​കാം.

മ​ഴ​യ​ത്ത് വാ​ഹ​ന​മോ​ടി​ക്കു​മ്പോ​ൾ ഡ്രൈ​വ​ർ​മാ​ർ വേ​ഗ​പ​രി​ധി​യും വാ​ഹ​ന​ങ്ങ​ൾ​ക്കി​ട​യി​ൽ സു​ര​ക്ഷി​ത​മാ​യ അ​ക​ല​വും പാ​ലി​ക്ക​ണ​മെ​ന്ന് ട്രാ​ഫി​ക് വ​കു​പ്പ് ആ​വ​ശ്യ​പ്പെ​ട്ടു. വീ​ടു​ക​ളി​ലെ വൈ​ദ്യു​തി ക​ണ​ക്ഷ​നു​ക​ളു​ടെ​യും ഗ്രൗ​ണ്ടി​ങ് സം​വി​ധാ​ന​ങ്ങ​ളു​ടെ​യും സു​ര​ക്ഷ ഉ​റ​പ്പാ​ക്കാ​നും വൈ​ദ്യു​താ​ഘാ​ത​മു​ണ്ടാ​യേ​ക്കു​മെ​ന്ന​തി​നാ​ൽ തെ​രു​വു​വി​ള​ക്കു​ക​ളു​ടെ തൂ​ണു​ക​ളി​ൽ തൊ​ട​രു​തെ​ന്നും വൈ​ദ്യു​തി, ജ​ല അ​തോ​റി​റ്റി മു​ന്ന​റി​യി​പ്പ് ന​ൽ​കി.

വീ​ടു​ക​ളി​ലെ മേ​ൽ​ക്കൂ​ര​ക​ളി​ലെ വാ​ട്ട​ർ​പ്രൂ​ഫി​ങ്ങി​ന്റെ സ​മ​ഗ്ര​ത പ​രി​ശോ​ധി​ക്കാ​നും മേ​ൽ​ക്കൂ​ര​ക​ളി​ലെ ഡ്രെ​യി​നേ​ജ് ദ്വാ​ര​ങ്ങ​ൾ വൃ​ത്തി​യു​ള്ള​തും ശ​രി​യാ​യി പ്ര​വ​ർ​ത്തി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​നും മു​നി​സി​പ്പാ​ലി​റ്റി കാ​ര്യ, കൃ​ഷി മ​ന്ത്രാ​ല​യ​ത്തി​ന്‍റെ നി​ർ​ദേ​ശ​മു​ണ്ട്. മ​ഴ​ക്കാ​ല​ത്ത് ഡ്രെ​യി​നേ​ജ് സം​വി​ധാ​ന​ങ്ങ​ൾ ശ​രി​യാ​യി പ്ര​വ​ർ​ത്തി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ വ​ർ​ക്ക്സ് മ​ന്ത്രാ​ല​യം അ​റ്റ​കു​റ്റ​പ്പ​ണി​ക​ൾ ന​ട​ത്തി​യി​ട്ടു​ണ്ട്. റോ​ഡു​ക​ളി​ൽ വെ​ള്ളം കെ​ട്ടി​നി​ൽ​ക്കു​ന്ന​ത് ത​ട​യാ​ൻ മു​നി​സി​പ്പാ​ലി​റ്റി മ​ന്ത്രാ​ല​യം പ്ര​ത്യേ​ക സം​ഘ​ങ്ങ​ളെ നി​യോ​ഗി​ച്ചു. പ്ര​ധാ​ന റോ​ഡു​ക​ളി​ൽ മ​ഴ​വെ​ള്ളം കെ​ട്ടി​ക്കി​ട​ക്കു​ന്ന​ത് ക​ണ്ടാ​ൽ 17545544 എ​ന്ന ന​മ്പ​റി​ലും ഉ​ൾ​റോ​ഡു​ക​ളി​ൽ ആ​ണെ​ങ്കി​ൽ 80008188 എ​ന്ന ന​മ്പ​റി​ലും വി​ളി​ച്ച് അ​റി​യി​ക്കാം.