ഏഷ്യൻ ക്രിക്കറ്റ് കൗൺസിൽ വെസ്റ്റ് സോൺ കപ്പ് ക്രിക്കറ്റ് മത്സരത്തിൽ മുഹമ്മദ് ബാസിൽ
മനാമ: ഷാർജയിൽ നടക്കുന്ന ഏഷ്യൻ ക്രിക്കറ്റ് കൗൺസിൽ വെസ്റ്റ് സോൺ കപ്പിനുള്ള അണ്ടർ 16 ക്രിക്കറ്റ് മത്സരത്തിൽ ബഹ്റൈന് രണ്ടാം മത്സരത്തിലും വിജയം. സൗദി അറേബ്യയെയാണ് 180 റൺസിന് കീഴടക്കിയത്.
ആദ്യം ബാറ്റ് ചെയ്ത ബഹ്റൈൻ 35 ഓവറിൽ 270 റൺസെടുത്തു. രണ്ടാമത് ബാറ്റ് ചെയ്ത സൗദി 24.5 ഓവറിൽ 90 റൺസെടുക്കുമ്പോഴേക്കും എല്ലാവരും പുറത്തായി. മുഹമ്മദ് ആദിലും മുഹമ്മദ് ബാസിലും ചേർന്നെടുത്ത 194 റൺസ് കൂട്ടുകെട്ടാണ് ബഹ്റൈന് തുണയായത്. ആദിൽ സെഞ്ച്വറി നേടിയപ്പോൾ ബാസിൽ 78 റൺസെടുത്തു. പതിനാലംഗ ബഹ്റൈൻ ടീമിൽ ആറുപേർ ഇന്ത്യൻ സ്കൂൾ വിദ്യാർഥികളാണ്. ചൊവ്വാഴ്ച അടുത്ത മത്സരത്തിൽ ബഹ്റൈൻ ഒമാനെ നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.