മനാമ: നടപ്പുവർഷം ഫെബ്രുവരി പകുതി വരെ 4.95 ലക്ഷം വർക് പെർമിറ്റുകൾ അനുവദിച്ചതായി എൽ.എം.ആർ.എ അറിയിച്ചു. പാർലമെൻറ് അംഗം മുനീർ ഇബ്രാഹിം സുറൂറിന്റെ ചോദ്യത്തിന് മറുപടിയായാണ് തൊഴിൽ മന്ത്രാലയം ഇക്കാര്യം അറിയിച്ചത്. ഇതിൽ 77,707 ഗാർഹിക തൊഴിലാളികളും 1,19,713 പേർ ആശ്രിത വിസയിലുള്ളവരും 20,844 പേർ വിദേശ നിക്ഷേപകരുമാണ്. 2,655 തൊഴിൽ മേഖലകളിലാണ് വിദേശ പൗരന്മാർ തൊഴിലെടുക്കുന്നത്.
വിദേശികൾക്ക് പകരം കൂടുതൽ സ്വദേശികൾക്ക് തൊഴിൽ നൽകുന്നതിന് ആവിഷ്കരിച്ച പദ്ധതികളെക്കുറിച്ചും മന്ത്രാലയം വിശദീകരിച്ചു. തൊഴിൽ വിപണി പരിഷ്കരിക്കുന്നതിനും തൊഴിലന്വേഷകർക്ക് പരിശീലനം നൽകി മെച്ചപ്പെട്ട തൊഴിൽ ലഭിക്കുന്നതിനുമുള്ള പദ്ധതികൾ വിജയകരമായി നടപ്പാക്കിയതായും ബന്ധപ്പെട്ടവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.