മനാമ: താമസ സ്ഥലത്തെ മൂന്നാം നിലയില് നിന്നും വീണ് ചികിത്സയിലായിരുന്ന യുവാവ് മരിച്ചു. തൃശൂര് കുന്നംകുളം സ്വദേശി ജെറിന് വര്ഗീസ് (23) ആണ് മരിച്ചത്.പിതാവ്: കാവുന്നിലത്തില് വര്ഗീസ്. മാതാവ്: മണി. സഹോദരന്: ജെമി. ജനുവരി 28നായിരുന്നു അപകടം. മനാമ സൂഖിലെ ഫ്ളാറ്റില് താമസിച്ചിരുന്ന ജെറിന്, ഫ്ളാറ്റിനു മുകളിലെ വാട്ടര് കണക്ഷന് പരിശോധിക്കാനായി പോയപ്പോഴാണ് അപകടമെന്ന് പറയുന്നു. വീഴ്ചയെ തുടര്ന്ന് ബോധം നഷ്ടപ്പെട്ട് സല്മാനിയയില് ചികിത്സയിലായിരുന്നു.
മുഹമ്മദ് അല് ഹാര്ബി ഇലക്ട്രിക്കല് കോണ്ട്രാക്റ്റിങ് കമ്പനിയില് അസിസ്റ്റന്റായി ജോലി ചെയ്യുന്ന ജെറിന് ബഹ്റൈനിലത്തെിയ ഒരു വര്ഷമായിട്ടേയുള്ളൂ. അപ്പോഴാണ് അപകടമുണ്ടായത്. മൃതദേഹം നാട്ടിലേക്ക് കൊണ്ടുപോകുമെന്ന് ബന്ധു ഡേവിഡ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.