മനാമ: പൊതുമരാമത്ത് വകുപ്പ് മന്ത്രാലയത്തിന് കീഴിലെ മെറ്റീരിയല്സ് ആന്റ് ലബോറട്ടറി ഡയറക്ടറേറ്റ്, വര്ക്സ് ആന്റ് സീവേജ് മെയിന്റനന്സ് ഡിപാര്ട്മെന്റ് എന്നിവക്ക് ഐ.എസ്.ഒ അംഗീകാരം ലഭിച്ചതായി പൊതുമരാമത്ത്-മുനിസിപ്പല്-നഗരാസൂത്രണ കാര്യ മന്ത്രാലയത്തിലെ പബ്ളിക് വര്ക്സ് ഡയറക്ടറേറ്റ് മേധാവി അഹ്മദ് അബ്ദുല് അസീസ് അല്ഖയ്യാത്ത് അറിയിച്ചു. ഐ.എസ്.ഒ 17025:2005 അംഗീകാരമാണ് ലഭിച്ചിട്ടുള്ളത്. ഐ.എ.എസ് അതോറിറ്റി മുന്നോട്ട് വെക്കുന്ന മാനദണ്ഡങ്ങള് പാലിക്കുന്നതില് അതീവ ശ്രദ്ധ പുലര്ത്തിയതിന്െറ അടിസ്ഥാനത്തിലാണ് അംഗീകാരം നേടാനായത്. മന്ത്രാലയത്തിന്െറ പദ്ധതികളില് ഗുണനിലവാരം പുലര്ത്താനും ജനങ്ങള്ക്ക് തൃപ്തികരമായ സേവനം വേഗത്തില് നല്കാനും അനാവശ്യ ചെലവുകള് ഒഴിവാക്കാനും പ്രത്യേക ശ്രദ്ധ പുലര്ത്തുന്നുണ്ട്. അന്താരാഷ്ട്ര മാനദണ്ഡങ്ങള് പാലിച്ചാണ് മന്ത്രാലയത്തിലെ ഇരുവിഭാഗങ്ങളും പ്രവര്ത്തിക്കുന്നതെന്ന് അഹ്മദ് അബ്ദുല് അസീസ് അല്ഖയ്യാത്ത് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.