മനാമ: മനാമയിലുണ്ടായ വാഹനാപകടത്തില് പരിക്കേറ്റ് ചികിത്സയിലായിരുന്ന കൊല്ലം അഞ്ചാലുംമൂട് സ്വദേശി ശിവകുമാറിന് ‘പ്രതീക്ഷ’ ബഹ്റൈന്െറ ഗള്ഫ് കിറ്റും യാത്രാ ടിക്കറ്റും കൈമാറി. കഴിഞ്ഞ മൂന്നുമാസമായി സല്മാനിയ മെഡിക്കല് കോളജില് ചികിത്സയിലായിരുന്ന ശിവകുമാറിനെ ‘പ്രതീക്ഷ’ പ്രവര്ത്തകരും മറ്റു സാമൂഹികസംഘടനകളും പരിചരിച്ചുവരികയായിരുന്നു.
പ്രവാസജീവിതത്തിന്െറ ദുരിതക്കയത്തില് നിന്ന് നാട്ടിലേക്ക് വെറുംകൈയോടെ മടങ്ങേണ്ടി വരുന്നവര്ക്ക് ‘ഗള്ഫ് കിറ്റ്’ നല്കുകയെന്നത് സംഘടനയുടെ പ്രഖ്യാപിത ലക്ഷ്യങ്ങളിലൊന്നാണ്.
ഉദാരമതികളുടെ സഹായത്തോടെയാണ് പദ്ധതി നടപ്പാക്കുന്നത്. ഒൗട്പാസില് നാട്ടിലേക്ക് മടങ്ങുന്നവര്ക്കും ജയിലുകളില് നിന്ന് പോകുന്നവര്ക്കും ‘ഗള്ഫ് കിറ്റ്’ സഹായമത്തെിക്കാന് ‘പ്രതീക്ഷ’ പരമാവധി പരിശ്രമിക്കുമെന്ന് സെക്രട്ടറി നിസാര് കൊല്ലം അറിയിച്ചു. വിവരങ്ങള്ക്ക്: 33099976, 33640954.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.