നഥാൻ ഡെറി
മനാമ: ബഹ്റൈനിലെ അദ് ലിയയിൽനിന്ന് കാണാതായ 12 വയസ്സുകാരനായ മലയാളി വിദ്യാർഥി നഥാൻ ഡെറിയെ 12 മണിക്കൂറിലധികം നീണ്ട തിരച്ചിലിനൊടുവിൽ കണ്ടെത്തി. അദ് ലിയയിലെ ഒരു പാർക്കിൽ കളിച്ചുകൊണ്ടിരിക്കെ ചൊവ്വാഴ്ച വൈകീട്ടാണ് കുട്ടിയെ കാണാതാകുന്നത്. സമയം വൈകിയിട്ടും വീട്ടിലെത്താതിരുന്നതിനെ തുടർന്ന് കുടുംബം തിരച്ചിൽ ആരംഭിച്ചിരുന്നു. തുടർന്ന് പൊലീസ് സ്റ്റേഷനിൽ പരാതിയും നൽകി.
കാണാതായ വിവരം ബഹ്റൈൻ പ്രവാസി സമൂഹത്തിന്റെയും സ്വദേശികളുടെയും വാട്ട്സ്ആപ് ഗ്രൂപ്പുകളിലും സാമൂഹിക മാധ്യമങ്ങളിലും പ്രചരിച്ചു. ഒടുവിൽ, ചൊവ്വാഴ്ച ഉച്ചയോടെ ഖമീസിലെ ഒരു പെട്രോൾ പമ്പിൽവെച്ച് കുട്ടിയെ ഒരു ഫിലിപ്പിനോ പൗരൻ തിരിച്ചറിയുകയും കുട്ടിയുടെ പിതാവ് ഡെറി ജോർജിനെ വിവരമറിയിക്കുകയുമായിരുന്നു. മകനെ സുരക്ഷിതനായി തിരികെ ലഭിച്ചതിൽ സന്തോഷമുണ്ടെന്ന് പിതാവ് ഡെറി ജോർജ് പറഞ്ഞു. നഥാൻ ഡെറി ഇന്ത്യൻ സ്കൂൾ ഓഫ് ബഹ്റൈനിലെ അഞ്ചാം ക്ലാസ് വിദ്യാർഥിയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.