പോഷകങ്ങളേറെയുള്ള ഗാർലിക്–പംകിൻ-ഓറഞ്ച് സൂപ്പ്

ചേരുവകൾ:

• വെളുത്തുള്ളി– 20 ഗ്രാം
• മത്തൻ– 75 ഗ്രാം
• സെലറി– 10 ഗ്രാം
• വെണ്ണ– 10 ഗ്രാം
• കറുവയില– 2 എണ്ണം
• വെജിറ്റബ്ൾ സ്​റ്റോക്– 200 മില്ലി
• ഉപ്പ്– പാകത്തിന്
• ഓറഞ്ച് ജ്യൂസ്​– 50 മില്ലി
• വൈറ്റ് പെപ്പർ– 3 ഗ്രാം
• ഫ്രഷ് ക്രീം– 10 മില്ലി

തയാറാക്കുന്ന വിധം:

അടികട്ടിയുള്ള പാനിൽ വെണ്ണ ചൂടാക്കി പൊടിയായി അരിഞ്ഞ വെളുത്തുള്ളി, സെലറി, മത്തൻ കഷണങ്ങൾ എന്നിവയിട്ട് നന്നായി ഇളക്കുക. ശേഷം വെജിറ്റബിൾ സ്​റ്റോക്കും കറുവയിലയും ചേർത്ത് തിളപ്പിക്കുക. മത്തൻ കഷണങ്ങൾ ഉടച്ചുചേർക്കുക.

സൂപ്പ് പാകത്തിന് കുറുകുമ്പോൾ തീയണച്ച് വാങ്ങി അരിച്ചെടുക്കുക. ശേഷം ഓറഞ്ചു ജ്യൂസും കുരുമുളക്പൊടിയും പാകത്തിന് ഉപ്പും ചേർക്കുക. ഫ്രഷ് ക്രീം ചേർത്ത് ചൂടോടെ വിളമ്പാം.