'ഇനി ഞാനൊഴുകട്ടെ' കാ​മ്പ​യി​ൻ; വീണ്ടെടുത്തു, 320.3 കിലോമീറ്റർ നീർച്ചാൽ

തൊ​ടു​പു​ഴ: ജ​ല​സ്രോ​ത​സ്സു​ക​ളു​ടെ പു​ന​രു​ജ്ജീ​വ​നം ല​ക്ഷ്യ​മി​ട്ട്​ ന​ട​പ്പാ​ക്കു​ന്ന 'ഇ​നി ഞാ​നൊ​ഴു​ക​ട്ടെ' പ​ദ്ധ​തി​യി​ലൂ​ടെ ഇ​തു​വ​രെ ജി​ല്ല വീ​ണ്ടെ​ടു​ത്ത​ത്​ 320.3 കി​ലോ​മീ​റ്റ​ർ നീ​ർ​ച്ചാ​ലു​ക​ൾ. 303 ജ​ലാ​ശ​യ​ങ്ങ​ൾ ശു​ചീ​ക​രി​ച്ചു. ത​ദ്ദേ​ശ സ്ഥാ​പ​ന​ങ്ങ​ളു​ടെ പ​ങ്കാ​ളി​ത്ത​ത്തോ​ടെ തോ​ടു​ക​ളി​ലും നീ​ർ​ച്ചാ​ലു​ക​ളി​ലും അ​ടി​ഞ്ഞു​​കൂ​ടി​യ മാ​ലി​ന്യം നീ​ക്കി​ സ്വാ​ഭാ​വി​ക ഒ​ഴു​ക്ക്​ സാ​ധ്യ​മാ​ക്കി​യാ​ണ്​ ജ​ല​സ്രോ​ത​സ്സു​ക​ൾ വീ​ണ്ടെ​ടു​ക്കാ​നാ​യ​ത്.

പ്രാ​ദേ​ശി​ക അ​ടി​സ്ഥാ​ന​ത്തി​ൽ നീ​ർ​​ച്ചാ​ലു​ക​ൾ വീ​ണ്ടെ​ടു​ക്കാ​നു​ള്ള പ​ദ്ധ​തി​യു​ടെ ഭാ​ഗ​മാ​യാ​ണ്​ 'ഇ​നി ഞാ​നൊ​ഴു​ക​ട്ടെ' കാ​മ്പ​യി​ൻ ആ​രം​ഭി​ച്ച​ത്. കാ​ല​വ​ർ​ഷ​ത്തി​ൽ പെ​യ്​​ത മ​ഴ​യി​ൽ വെ​ള്ള​ക്കെ​ട്ടി​ന്‍റെ രൂ​ക്ഷ​ത കു​റ​ക്കു​ന്ന​തി​ന​ട​ക്കം ഇ​ത്​ സ​ഹാ​യ​ക​മാ​യ​താ​യാ​ണ്​ വി​ല​യി​രു​ത്ത​ൽ. ഓ​രോ ത​ദ്ദേ​ശ സ്ഥാ​പ​ന​ങ്ങ​ളി​ലും സ്വാ​ഭാ​വി​ക ഒ​ഴു​ക്ക്​ ന​ഷ്ട​മാ​യ ജ​ലാ​ശ​യ​ങ്ങ​ൾ ക​ണ്ടെ​ത്തി​യാ​യി​രു​ന്നു​ പ​ദ്ധ​തി പ്ര​വ​ർ​ത്ത​ന​ങ്ങ​ൾ.

ഇ​ളം​ദേ​ശം ബ്ലോ​ക്കി​ൽ ക​രി​മ​ണ്ണൂ​ർ തോ​ട്, ഉ​ടു​മ്പ​ന്നൂ​രി​ലെ ആ​ൾ​ക്ക​ല്ല്​ തോ​ട്, കോ​ടി​ക്കു​ളം വ​ലി​യ​തോ​ട്, വെ​ള്ളി​യാ​മ​റ്റം ഞ​ര​ള​മ്പു​ഴ തോ​ട്​ ആ​ല​ക്കോ​ട്​ പ​ന്നി​മ​റ്റം -ച​വ​ർ​ണ തോ​ട്​ എ​ന്നി​വ​യും ഇ​ടു​ക്കി ബ്ലോ​ക്കി​ൽ കാ​മാ​ക്ഷി അ​മ്പ​ല​വ​യ​ൽ തോ​ട്, പാ​റ​ക്ക​ട​വ്​ തോ​ട്, ത​ങ്ക​മ​ണി കോ​ള​നി റോ​ഡ്, ത​ങ്ക​മ​ണി പാ​റ​ക്ക​ട​വ്​ റോ​ഡ്, തൊ​ടു​പു​ഴ​യി​ൽ കു​മാ​ര​മം​ഗ​ലം വെ​ട്ടി​ക്കു​ഴി പാ​ടം റോ​ഡ്, പു​റ​പ്പു​ഴ മാ​റി​ക​തോ​ട്, മു​ട്ടം ത​ച്ചി​ലം​കു​ന്ന്​ ഭാ​ഗം തോ​ട്, ഇ​ട​വെ​ട്ടി നാ​ട​യം റോ​ഡ്, പു​ൽ​പ​റ​മ്പി​ൽ പാ​ട​ശേ​ഖ​രം റോ​ഡ്​ ദേ​വി​കു​ള​ത്ത്​ മൂ​ന്നാ​ർ -മു​തി​ര​പ്പു​ഴ​യാ​ർ, മാ​ങ്കു​ള​ത്ത്​ മാ​ങ്കു​ളം ആ​റ്​ എ​ന്നി​വ​യും അ​ടി​മ​ലി ബ്ലോ​ക്കി​ൽ ബൈ​സ​ൽ​വാ​ലി​യി​ൽ കാ​ക്കാ​ക്ക​ട -ചൊ​ക്ര​മു​ടി തോ​ട്​ എ​ന്നി​വ​യും നെ​ടു​ങ്ക​ണ്ടം ബ്ലോ​ക്കി​ൽ ക​രു​ണാ​പു​രം പാ​റ​ക്ക​ട കൂ​ട്ടാ​ർ റോ​ഡ്, ക​രു​ണാ​ഭാ​ഗം തോ​ട്, രാ​ജാ​ക്കാ​ട്​ പ​ഴ​യ​വി​ടു​തി തോ​ട്, അ​ടി​വാ​രം ബൈ​പാ​സ്​ തോ​ട്​ എ​ന്നി​വ​യാ​ണ്​ മൂ​ന്നാം ഘ​ട്ട​ത്തി​ൽ ശു​ചീ​ക​രി​ച്ച​ത്.

ത​ദ്ദേ​ശ സ്ഥാ​പ​ന​ങ്ങ​ളു​ടെ​യും തൊ​ഴി​ലു​റ​പ്പ് പ​ദ്ധ​തി​യു​ടെ​യും ജ​ല​വി​ഭ​വ വ​കു​പ്പി​ന്റെ​യും സ​ഹ​ക​ര​ണ​ത്തോ​ടെ​യാ​ണ് ഹ​രി​ത​കേ​ര​ളം മി​ഷ​ന്റെ കാ​മ്പ​യി​ൽ പു​രോ​ഗ​മി​ക്കു​ന്ന​ത്. പ​ശ്ചി​മ​ഘ​ട്ട​ത്തി​ലെ ജ​ലാ​ശ​യ​ങ്ങ​ൾ വീ​ണ്ടെ​ടു​ക്കാ​നു​ള്ള പ്ര​വ​ർ​ത്ത​ന​ങ്ങ​ളാ​ണ്​ ഇ​പ്പോ​ൾ ന​ട​ക്കു​ന്ന​ത്. ജ​ന​പ്ര​തി​നി​ധി​ക​ൾ, യു​വ​ജ​ന​ങ്ങ​ൾ, സ​ന്ന​ദ്ധ പ്ര​വ​ർ​ത്ത​ക​ർ, പ്ര​ദേ​ശ​വാ​സി​ക​ൾ തു​ട​ങ്ങി​യ​വ​രു​ടെ പി​ന്തു​ണ​യും ഉ​റ​പ്പാ​ക്കി​യാ​ണ്​ പ​ദ്ധ​തി മു​ന്നോ​ട്ടു​പോ​കു​ന്ന​ത്.

വീ​ണ്ടെ​ടു​ത്ത​വ വീ​ണ്ടും മ​ലി​ന​മാ​കാ​തി​രി​ക്കാ​നു​ള്ള പ്ര​തി​രോ​ധ പ്ര​വ​ർ​ത്ത​ന​ങ്ങ​ളും ബോ​ധ​വ​ത്​​ക​ര​ണ​വും പ​ദ്ധ​തി​യു​ടെ ഭാ​ഗ​മാ​യി ന​ട​പ്പാ​ക്കു​ന്നു​ണ്ട്.