കൊച്ചി: ട്രാന്സ്ജെൻഡര് സമൂഹത്തെക്കുറിച്ച് ഫോട്ടോ എക്സിബിഷനുകളും ഡോക്യുമെന്ററികളും തയ്യാറാക്കി ശ്രദ്ധേയനായ 'മാധ്യമം' സീനിയർ ഫോട്ടോഗ്രാഫർ പി. അഭിജിത്തിന്റെ പ്രഥമ ഫീച്ചര് ഫിലിം ആണ് 'അന്തരം'. സിനിമയുടെ ഫസ്റ്റ് ലുക്ക് പോസ്റ്റര് വിവിധ രംഗത്തെ പ്രമുഖരും ചലച്ചിത്രാസ്വാദകരും സംവിധായകന്റെ സുഹൃത്തുക്കളും ചേര്ന്ന് സോഷ്യല് മീഡിയയില് റിലീസ് ചെയ്തു.
ട്രാൻസ്ജെൻഡർ സമൂഹത്തിന്റെ ജീവിതം പറയുന്ന, അഭിജിത്ത് സംവിധാനം ചെയ്ത 'എന്നോടൊപ്പം' എന്ന ഹ്രസ്വചിത്രം ഏറെ ശ്രദ്ധേയമായിരുന്നു. ഗ്രൂപ്പ് ഫൈവ് എന്റര്ടെയ്ന്മെന്റ്സിന്റെ ബാനറില് ഒരുങ്ങുന്ന 'അന്തര'ത്തിന്റെ കഥയും അഭിജിത്തിേന്റതാണ്. ജോേജാ ജോൺ ജോസഫ്, പോൾ കൊല്ലനൂർ, ജോമിൻ വി. ജിയോ, രേണുക അയ്യപ്പൻ, എ. ശോഭില എന്നിവരാണ് നിർമ്മാണം. ഛായാഗ്രഹണം -മുഹമ്മദ് എ., തിരക്കഥ, സംഭാഷണം -ഷാനവാസ് എം.എ., എഡിറ്റിങ് -അമൽജിത്ത്, അസോ. ഡയറക്ടർ -മനീഷ് യാത്ര,കോ പ്രൊഡ്യൂസേഴ്സ് -ജസ്റ്റിൻ ജോസഫ്, മഹീപ് ഹരിദാസ്, ഒറിജിനൽ ബാക്ക്ഗ്രൗണ്ട് സ്കോർ -പാരീസ് വി. ചന്ദ്രൻ, സൗണ്ട് ഡിസൈൻ -വിഷ്ണു പ്രമോദ്, അജയ് ലെ ഗ്രാൻഡ്, ഗാനരചന -അജീഷ് ദാസൻ, സംഗീതം -രാജേഷ് വിജയ്, പി.ആർ.ഒ -പി.ആർ. സുമേരൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.