കൊളംബോ: യുവ നടൻ ദുൽഖർ സൽമാനോടുള്ള ആരാധന കാരണം കുഞ്ഞിന് അദ്ദേഹത്തിന്റെ പേരിട്ടിരിക്കയാണ് ശ്രീലങ്കൻ ദമ്പതികൾ. ഹിറ്റ് എഫ് എം 96.7ന് അഭിമുഖം നൽകുന്നതിനിടയിലാണ് ആയിരുന്നു താരത്തിന്‍റെ ആരാധകരുടെ വീഡിയോ അവതാരക ദുൽഖറിന് കാണിച്ചു കൊടുത്തത്. ശ്രീലങ്കയിൽ നിന്നുള്ള രണ്ട് വീഡിയോ ആയിരുന്നു അത്. ഈ വീഡിയോയിലൂടെയാണ് അമർ – ശ്യാമള ദമ്പതികളുടെ ദുൽഖർ സൽമാൻ പ്രേമം മാലോകരറിഞ്ഞത്.
''ഹായ് ദുൽഖർ സൽമാൻ, ഞാൻ അമർ, ഇത് ശ്യാമള, ഞങ്ങൾ ശ്രീലങ്കയിൽ ആണ് താമസിക്കുന്നത്''- എന്ന് പറഞ്ഞാണ് വിഡിയോ ആരംഭിക്കുന്നത്. ഉസ്താദ് ഹോട്ടൽ സിനിമ മുതൽ ദുൽഖറിന്‍റെ വലിയ ആരാധകരാണെന്നും തമിഴിലും തെലുങ്കിലും നിങ്ങളുടെ വിഡിയോ പോലും മിസ് ചെയ്യില്ലെന്ന് പറഞ്ഞ അമർ ഇപ്പോൾ ഈ വിഡിയോയ്ക്ക് കാരണം ഈ കുസൃതിച്ചെക്കനാണെന്ന് പറഞ്ഞ് മകനെ കാണിക്കുകയാണ്. കുഞ്ഞിന്‍റെ പേര് ദുൽഖർ സൽമാൻ എന്നാണെന്നും താങ്കൾ കാരണമാണ് ദുൽഖർ സൽമാൻ എന്ന് പേരിട്ടതെന്നും അമർ വീഡിയോയിൽ വ്യക്തമാക്കുന്നു. തങ്ങൾ ശ്രീലങ്കയിൽ നിന്നുള്ള ദുൽഖറിന്‍റെ വലിയ ആരാധകരാണെന്നും വിഡിയോയിൽ ദമ്പതികൾ പറയുന്നുണ്ട്.
തങ്ങളെ കൂടാതെ ദുല്‍ഖറിന് ശ്രീലങ്കയില്‍ നിരവധി ആരാധകര്‍ ഉണ്ടെന്നും സീതാരാമം കണ്ടെന്നും അതിലെ എല്ലാ രംഗങ്ങളും ഇഷ്ടപ്പെട്ടെന്നും അമർ വ്യക്തമാക്കുന്നു. അടുത്ത സിനിമയ്ക്കായി കാത്തിരിക്കുകയാണെന്നും ഒരു ദിവസം ദുൽഖറിനെ കാണാൻ കഴിയുമെന്നാണ് പ്രതീക്ഷിക്കുന്നതെന്നും അമർ പറഞ്ഞു. ഇവിടെ തങ്ങളുടെ ശ്രീലങ്കൻ ദുൽഖർ സൽമാൻ ഉണ്ടെന്നും ഒരു ദിവസം അവനും സിനിമയില്‍ എത്തുമെന്നാണ് തന്‍റെ പ്രതീക്ഷയെന്നും അമര്‍ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.