അക്ഷയ് കുമാറിന്‍റെ ‘സോപ്പിങ്ങി’ൽ പരേഷ് റാവൽ മടങ്ങിയെത്തി

‘ഹേ​ര ഫേ​രി’ മൂ​ന്നാം​ഭാ​ഗ​ത്തു​നി​ന്ന് അ​പ്ര​തീ​ക്ഷി​ത​മാ​യി പി​ന്മാ​റി ബോ​ളി​വു​ഡി​നെ ഞെ​ട്ടി​ച്ച മു​തി​ർ​ന്ന ന​ട​ൻ പ​രേ​ഷ് റാ​വ​ലി​നെ സോ​പ്പി​ട്ട് തി​രി​ച്ചു​കൊ​ണ്ടു​വ​ന്ന് അ​ക്ഷ​യ് കു​മാ​ർ. ചി​ത്രം മു​ട​ങ്ങു​മെ​ന്ന അ​വ​സ്ഥ​യി​ൽ​നി​ന്ന് പ്ര​ശ്ന​ങ്ങ​ളെ​ല്ലാം പ​രി​ഹ​രി​ച്ച​തി​ന്റെ ആ​ശ്വാ​സ​ത്തി​ലാ​ണ് സം​വി​ധാ​യ​ക​ൻ പ്രി​യ​ദ​ർ​ശ​നും നാ​യ​ക​നും നി​ർ​മാ​താ​വു​മാ​യ അ​ക്ഷ​യ് കു​മാ​റും.

അ​ക്ഷ​യ് കു​മാ​റി​നോ​ടു​ള്ള അ​ഭി​പ്രാ​യ വ്യ​ത്യാ​സം കാ​ര​ണ​മാ​ണ്, ഹേ​ര ഫേ​രി ആ​ദ്യ ഭാ​ഗം മു​ത​ൽ പ്ര​ധാ​ന ക​ഥാ​പാ​ത്ര​ങ്ങ​ളി​ലൊ​രാ​ളാ​യ പ​രേ​ഷ് പി​ന്മാ​റി​യ​തെ​ന്നാ​യി​രു​ന്നു സി​നി​മ വൃ​ത്ത​ങ്ങ​ളി​ലെ സം​സാ​രം. അ​ക്ഷ​യ് കു​മാ​റി​ന്റെ നി​ർ​മാ​ണ ക​മ്പ​നി പ​രേ​ഷി​ന് വ​ക്കീ​ൽ നോ​ട്ടീ​സ് അ​യ​ക്കു​ക​കൂ​ടി ചെ​യ്ത​തോ​ടെ അ​ക​ൽ​ച്ച പൂ​ർ​ണ​മാ​യി. സം​വി​ധാ​യ​ക​ൻ പ്രി​യ​ദ​ർ​ശ​ന്റെ​യും മ​റ്റു പ്ര​മു​ഖ​രു​ടെ​യും ഇ​ട​പെ​ട​ലൊ​ന്നും ഫ​ലം കണ്ടില്ല, പ​രേ​ഷ് ഇ​ട​ഞ്ഞു​ത​ന്നെ​യാ​യി​രു​ന്നു.

ഇ​തി​നി​ടെ ക​ഴി​ഞ്ഞ ദി​വ​സം അ​ക്ഷ​യ് ന​ട​ത്തി​യ പ്ര​തി​ക​ര​ണ​ത്തെ തു​ട​ർ​ന്ന് പ​രേ​ഷി​ന്റെ മ​ന​സ്സു മാ​റി​യെ​ന്നാ​ണ് ബോ​ളി​വു​ഡി​ൽ സം​സാ​രം. ക​ഴി​ഞ്ഞ ദി​വ​സം, ത​ന്റെ സി​നി​മ ഹൗ​സ് ഫു​ൾ ഫൈ​വി​ന്റെ ട്രെ​യി​ല​ർ ലോ​ഞ്ചി​ൽ അ​ക്ഷ​യ് പ​രേ​ഷി​നെ ന​ന്നാ​യി പു​ക​ഴ്ത്തി സം​സാ​രി​ക്കു​ക​യും അ​ഭി​ന​ന്ദി​ക്കു​ക​യും ചെ​യ്തി​രു​ന്നു. ഒ​പ്പം പ​രേ​ഷി​​ന് ജ​ന്മ ദി​നാ​ശം​സ നേ​രു​ക​യും ചെ​യ്തു.

ഹേ​ര ഫേ​രി​യി​ൽ​നി​ന്ന് പി​ന്മാ​റി​യ പ​രേ​ഷി​ന്റെ ന​ട​പ​ടി വ​ൻ മ​ണ്ട​ത്ത​മ​ല്ലേ എ​ന്ന മാ​ധ്യ​മ​പ്ര​വ​ർ​ത്ത​ക​ന്റെ ചോ​ദ്യ​ത്തി​ന് അ​ക്ഷ​യ് പ​റ​ഞ്ഞ​ത് ഇ​ങ്ങ​നെ: ‘‘സി​നി​മ വ​രും പോ​കും, പ​ക്ഷേ, സൗ​ഹൃ​ദം കാ​ല​ത്തെ അ​തി​ജ​യി​ച്ച് മു​ന്നോ​ട്ടു​പോ​ക​ണ​മെ​ന്നാ​ണ് ആ​ഗ്ര​ഹി​ക്കു​ന്ന​ത്.’’ -അ​ക്ഷ​യ് യു​ടെ ഈ ​വാ​ക്കു​ക​ളാ​ണ് പ​രേ​ഷി​നെ വീ​ഴ്ത്തി​യ​ത​ത്രെ. കൂ​ടാ​തെ, ചി​ത്ര​ത്തി​ലെ മ​റ്റൊ​രു പ്ര​ധാ​ന താ​ര​മാ​യ സു​നി​ൽ ഷെ​ട്ടി​ക്കൊ​പ്പം അ​ക്ഷ​യ് പ​രേ​ഷു​മാ​യി കൂ​ടി​ക്കാ​ഴ്ച ന​ട​ത്തു​ക​യും ചെ​യ്തു. മു​തി​ർ​ന്ന താ​ര​ത്തി​ന്റെ മ​ന​സ്സ് മാ​റി​യ​ത് ത​ന്നെ അ​തി​ശ​യി​പ്പി​ച്ചെ​ന്നാ​ണ് പ്രി​യ​ദ​ർ​ശ​ൻ പ്ര​തി​ക​രി​ച്ച​ത്.