നടൻ ജയറാമും കുടുംബവുമായി വളരെ അടുത്ത ബന്ധമാണ് ക്രിക്കറ്റ് താരം സഞ്ജു സാംസനുളളത്. അടുത്തിടെ ജയറാമിന്റെ ചെന്നൈയിലെ വസതിയിൽ സഞ്ജുവും ഭാര്യ ചാരുവും എത്തിയിരുന്നു. ഇവരുടെ ചിത്രങ്ങൾ സോഷ്യൽമീഡിയയിൽ വൈറലായിരുന്നു.
ഇപ്പോഴിതാ സമൂഹമാധ്യമങ്ങളിൽ ഇടംപിടിക്കുന്നത് സഞ്ജുവിന്റെ ശബ്ദം അനുകരിച്ചുള്ള ജയറാമിന്റെ വിഡിയോയാണ്. ചെറിയ ശ്രമം എന്ന് കുറിച്ച് കൊണ്ട് ഇൻസ്റ്റഗ്രാമിൽ വിഡിയോ പങ്കുവെച്ചത്. കൂടാതെ ഐ.പി.എല്ലിനായി സഞ്ജുവിന് ആശംസകളും നേർന്നിട്ടുണ്ട്. ജയറാമിന്റെ വിഡിയോ സമൂഹമാധ്യമങ്ങളിൽ വൈറലാണ്. മികച്ച അഭിപ്രായമാണ് ലഭിക്കുന്നത്.
നിലവിൽ തെലുങ്ക്, തമിഴ് സിനിമാ തിരക്കിലാണ് ജയറാമിപ്പോൾ. മണിരത്നം സംവിധാനം ചെയ്യുന്ന പൊന്നിയിൻ സെൽവൻ 2 ആണ് ഇനി പുറത്ത് ഇറങ്ങാനുള്ള നടന്റെ ചിത്രം. അഞ്ച് ഭാഷകളിലായി പുറത്ത് ഇറങ്ങുന്ന ചിത്രത്തിന്റെ രണ്ടാം ഭാഗം ഏപ്രിൽ 28 ന് തിയറ്ററുകളിൽ എത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.