കറാച്ചി: പാകിസ്താനിലെ പ്രസിദ്ധ എഴുത്തുകാരിയും നാടകകൃത്തുമായ ഹസീന മുഇൗൻ (80) അന്തരിച്ചു. ഹൃദയ സംബന്ധമായ അസുഖത്തെ തുടർന്ന് ലാഹോറിലായിരുന്നു അന്ത്യം. ഏതാനും ദിവസങ്ങൾക്കുമുമ്പ് കോവിഡ് പ്രതിരോധ കുത്തിവെപ്പ് എടുത്തിരുന്നു. സ്തനാർബുദം ഭേദപ്പെട്ട് വിശ്രമത്തിൽ കഴിഞ്ഞുവരുകയായിരുന്നു. ജനപ്രിയ ടെലിവിഷൻ ഷോകളിലൂടെയും നാടകങ്ങളിലൂടെയും ഇന്ത്യയിലും പാകിസ്താനിലും പ്രശസ്തയാണ് മുഇൗൻ. 1941 നവംബർ 20ന് ഉത്തർപ്രദേശിലെ കാൺപൂരിൽ ജനിച്ച അവർ വിഭജനത്തെ തുടർന്ന് പാകിസ്താനിലെ റാവൽപിണ്ടിയിലേക്ക് താമസം മാറ്റുകയായിരുന്നു. പിന്നീട് കറാച്ചിയിൽ സ്ഥിരതാമസമാക്കി. 1963ൽ കറാച്ചി യൂനിവേഴ്സിറ്റിയിൽനിന്ന് ബിരുദാനന്തര ബിരുദം പൂർത്തിയാക്കി. പാകിസ്താനിലെ കലകൾക്ക് നൽകിയ അസാധാരണ സംഭാവനക്കുള്ള പ്രൈഡ് ഓഫ് പെർഫോമൻസ് അവാർഡിന് അർഹയായിട്ടുണ്ട്. രാജ്കപൂറിെൻറ ജനപ്രിയ സിനിമയായ 'ഹെന്ന'യടക്കം നിരവധി സിനിമകൾക്ക് സംഭാഷണം എഴുതിയിട്ടുണ്ട്. റേഡിയോ പാകിസ്താനിൽ പ്രക്ഷേപണം ചെയ്ത 'സ്റ്റുഡിയോ നമ്പർ 9' എന്ന നാടകത്തിലൂടെയാണ് മുഇൗൻ ശ്രദ്ധേയയാകുന്നത്. അർബുദം അതിജയിച്ചതിനെ സംബന്ധിച്ച് തയാറാക്കിയ വെബ് സീരീസ് ഏപ്രിലിൽ റിലീസ് ചെയ്യാനിരിക്കെയാണ് അന്ത്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.